Read Jula Zaburuw kitabu 129 Bible Online

Zaburuw kitabu 129 - Jula bible

Zaburuw kitabu 129

¹Ala ta batoso yɛlɛnsira ta dɔnkiri. Kabini ne denmisɛnman, o ka ne tɔɔrɔ kosɛbɛ. Izirayɛli y’a fɔ ten!

²Kabini ne denmisɛnman, o ka ne tɔɔrɔ kosɛbɛ, nka o ma se ne ra.

³Sɛnɛkɛbagaw ka ne kɔ sɛnɛ, fɔ ka walanjanw bɔ ne kɔ ra.

⁴Nka Matigi Ala ta le ye can ye; a ka mɔgɔjuguw ta sirinanw foni ka bɔ ne ra.

⁵Minw bɛɛ bɛ Siyɔn dugu kɔninya, olugu le ye maroya fɔ ka sekɔ ni o kɔ ye!

⁶O ye kɛ i ko bin min bɛ falen biribon kunna; sani a bɔntuma ye se, a bɛ ja.

⁷A tɛ a bɔnbaga boro fa, a t’a cɛbaga fana kɔnkɔn fa.

⁸Tɛmɛbagaw t’a fɔ olugu ma ko: «Matigi Ala ye baraka don aw ra! An bɛ dugawu kɛ aw ye ni Matigi Ala tɔgɔ ye!»