Read Jula Zaburuw kitabu 136 Bible Online

Zaburuw kitabu 136 - Jula bible

Zaburuw kitabu 136

¹Aw ye Matigi Ala fo k’a waleɲumanlɔn, sabu a ka ɲi, a ta ɲumanya tɛ ban ka ye.

²Aw ye alaw bɛɛ ta Ala fo k’a waleɲumanlɔn, sabu a ta ɲumanya tɛ ban ka ye!

³Aw ye matigiw bɛɛ ta Matigi fo k’a waleɲumanlɔn, sabu a ta ɲumanya tɛ ban ka ye!

⁴Ale Ala kelen le bɛ kabakobaw kɛ, sabu a ta ɲumanya tɛ ban ka ye!

⁵Ale le ka sankolo dan a ta lɔnniya sababu ra, sabu a ta ɲumanya tɛ ban ka ye!

⁶Ale le ka dugukolo dan k’a bla ji kunna, sabu a ta ɲumanya tɛ ban ka ye!

⁷Ale le ka sankolo yeelenbɔnan belebelew dan, sabu a ta ɲumanya tɛ ban ka ye!

⁸A ka tere dan ka o sigi terefɛra kunna, sabu a ta ɲumanya tɛ ban ka ye!

⁹A ka karo ni lolow dan ka o sigi sufɛra kunna, sabu a ta ɲumanya tɛ ban ka ye!

¹⁰Ale le ka Misirankaw ta dencɛ fɔlɔw faga, sabu a ta ɲumanya tɛ ban ka ye!

¹¹A ka Izirayɛlimɔgɔw labɔ o cɛ ra, sabu a ta ɲumanya tɛ ban ka ye!

¹²A ta sebagaya ni a ta fanga baraka ra, sabu a ta ɲumanya tɛ ban ka ye!

¹³Ale le ka Kɔgɔjiwulen cɛtigɛ fla ye, sabu a ta ɲumanya tɛ ban ka ye!

¹⁴A ka Izirayɛlimɔgɔw latɛmɛ ji cɛ ma, sabu a ta ɲumanya tɛ ban ka ye!

¹⁵A ka Farawona ni a ta kɛrɛkɛjama dafiri Kɔgɔjiwulen kɔnɔ, sabu a ta ɲumanya tɛ ban ka ye!

¹⁶Ale le blara a ta mɔgɔw ɲa kongokolon kɔnɔ ka taga, sabu a ta ɲumanya tɛ ban ka ye!

¹⁷Ale le ka masacɛbaw halaki, sabu a ta ɲumanya tɛ ban ka ye!

¹⁸A ka masacɛ barakamanw faga, sabu a ta ɲumanya tɛ ban ka ye!

¹⁹Amɔrikaw ta masacɛ Sihɔn, sabu a ta ɲumanya tɛ ban ka ye!

²⁰Basan masacɛ Ɔgi, sabu a ta ɲumanya tɛ ban ka ye!

²¹A ka o ta jamana di Izirayɛli ma, sabu a ta ɲumanya tɛ ban ka ye!

²²A k’a kɛ a ta jɔnw ta ye, Izirayɛlimɔgɔw ta ye; sabu a ta ɲumanya tɛ ban ka ye!

²³Ale le k’a hakiri to an na, tuma min na an tun bɛ siya tɔw ta fanga kɔrɔ, sabu a ta ɲumanya tɛ ban ka ye!

²⁴A ka an bɔsi ka bɔ an juguw boro, sabu a ta ɲumanya tɛ ban ka ye!

²⁵Ale le bɛ domuni di danfɛnw bɛɛ ma, sabu a ta ɲumanya tɛ ban ka ye!

²⁶Aw ye sankolo tigi Ala fo k’a waleɲumanlɔn, sabu a ta ɲumanya tɛ ban ka ye!