Read Jula Zaburuw kitabu 142 Bible Online

Zaburuw kitabu 142 - Jula bible

Zaburuw kitabu 142

¹Dawuda ta karan: wagati min a tun bɛ kuruwo kɔnɔ. Aladaari.

²Ne bɛ ne kan kɔrɔta, ka kasi Matigi Ala nɔ fɛ, ne bɛ ne kan bɔ ka makarikanw fɔ Matigi Ala ye.

³Ne bɛ ne ta maɲumankow bɛɛ fɔ a ye, ne bɛ ne ta degukow ɲafɔ a ye.

⁴Ni ne jusu kasira, ele le bɛ ne tɛmɛyɔrɔ lɔn; o ka jan la ne ɲa ne tɛmɛsira ra.

⁵Ne kɛrɛfɛyɔrɔw flɛ, i b’a ye ko mɔgɔ si tɛ yi min b’a jantora ne ra. Dogoyɔrɔ si tɛ ne fɛ, sabu ne ta ko hami tɛ mɔgɔ si ra.

⁶E, Matigi Ala, ne bɛ kasi ele le nɔ fɛ, ko: «Ele le ye ne dogoyɔrɔ ye, ele le ye ne ninyɔrɔ ye nin dunuɲa ra yan mɔgɔ ɲanamanw cɛ ra.»

⁷I janto ne kasikan na, sabu ne dɛsɛnin lo kosɛbɛ. Ne bɔsi ka bɔ ne nɔgbɛnbagaw boro, sabu o baraka ka bon ni ne ta ye.

⁸Ne nin labɔ kaso ra, janko ne ye i tɔgɔ fɔ ka i fo ka i waleɲumanlɔn! Mɔgɔ terenninw bɛna ne lamini, sabu i ka koɲuman kɛ ne ye.