Read Jula Zaburuw kitabu 143 Bible Online

Zaburuw kitabu 143 - Jula bible

Zaburuw kitabu 143

¹Dawuda ta Zaburu. Matigi Ala, ne ta daarikan lamɛn, i toro malɔ ka ne ta makarikanw lamɛn i ta kankelentigiya kosɔn; ne jaabi i ta terenninya kosɔn.

²I kana a to kiti ye don ele ni i ta jɔn cɛ, sabu adamaden si terennin tɛ ele ɲa kɔrɔ.

³Ne jugu bɛ ne nin nɔgbɛnna, a b’a fɛ ka ne nin terege dugu ma; a ka ne bla dibi ra, i ko mɔgɔ minw sara kabini wagatijan.

⁴Ne jusu kasira, ne jigi tigɛra pewu!

⁵Ne hakiri bɛ fɔlɔfɔlɔ wagatiw ra, ne bɛ miiri i ta ko tɛmɛninw bɛɛ ra, ne bɛ i boro ta baara jate mina.

⁶Ne bɛ ne boro kɔrɔta i nɔ fɛ, ne sɔn jara i ɲa kɔrɔ k’a kɛ i ko dugukolo janin. [1]

⁷E, Matigi Ala, i teliya ka ne jaabi, tɔ si tɛ ne ra tuun! I kana i ɲada dogo ne ra, ni o tɛ, ne bɛna kɛ i ko o bɛ minw lajigi kaburu kɔnɔ.

⁸Lon o lon sɔgɔma, a to ne ye i ta ɲumanya ko mɛn, sabu ne jigi bɛ ele le kan. Ne ka kan ka tagama sira min kan, o yira ne ra, sabu ne bɛ samana ele le nɔ fɛ, ka i daari.

⁹Matigi Ala, ne bɔsi ka bɔ ne juguw boro! Ne bɛ ne yɛrɛ dogo ele le kɔrɔ.

¹⁰Ne karan i sago kɛcogo ra, sabu ele le ye ne ta Ala ye. I ta hakiriɲuman ye ne tɛmɛsira yira ne ra, ka ne lataga sira dakaɲanin kan.

¹¹Matigi Ala, a to ne ye si sɔrɔ i tɔgɔ kosɔn; ne nin bɔ degu ra, i ta terenninya kosɔn.

¹²I ta ɲumanya kosɔn, i bɛna ne juguw ban pewu; i bɛna ne kɛrɛbagaw bɛɛ halaki, sabu ne ye i ta jɔn le ye.