Read Jula Zaburuw kitabu 146 Bible Online

Zaburuw kitabu 146 - Jula bible

Zaburuw kitabu 146

¹Aw ye Matigi Ala tando! Ne nin ye Matigi Ala tando!

²Ne bɛ Matigi Ala tando ne si bɛɛ ra, ne bɛ dɔnkiri la ka ne ta Ala tando ne ta dunuɲalatigɛ bɛɛ ra.

³Aw kana aw jigi la fagamaw kan, aw kana aw jigi la adamadenw kan, sabu olugu tɛ se ka mɔgɔ kisi.

⁴Ni o nɛnɛkiri ka mina o ra lon min na, o bɛ sekɔ o nɔ ra dugukolo buguri ra; o lon yɛrɛ ra, o ta kow bɛɛ bɛ ban.

⁵Ni Yakuba ta Ala kɛra mɔgɔ min dɛmɛbaga ye, o tigi ta ɲana; ni mɔgɔ min jigiya kɛra Matigi Ala ye, a ta Ala, o tigi ta ɲana.

⁶Ale le ka sankolo ni dugukolo dan, ani kɔgɔji ni a kɔnɔfɛnw bɛɛ. A bɛ to a ta kankelentigiya ra wagati bɛɛ.

⁷A bɛ kiti tigɛ ka mɔgɔ tɔɲɔninw ta jo di o ma, a bɛ domuni di kɔngɔtɔw ma; Matigi Ala bɛ mɔgɔ minaninw labla.

⁸Matigi Ala bɛ fiyentɔw ɲa yɛlɛ, Matigi Ala bɛ mɔgɔ dɛsɛninw lawuri, Matigi Ala bɛ mɔgɔ terenninw kanu.

⁹Matigi Ala b’a janto lonanw na, a bɛ baraka don feritaw ni muso cɛ saninw na, nka a bɛ mɔgɔjuguw ta kow cɛn.

¹⁰Matigi Ala bɛ to masaya ra wagati bɛɛ; Siyɔn dugumɔgɔw, aw ta Ala bɛ to masaya ra wagati bɛɛ, ani tuma bɛɛ! Aw ye Matigi Ala tando!