Read Jula Zaburuw kitabu 149 Bible Online

Zaburuw kitabu 149 - Jula bible

Zaburuw kitabu 149

¹Aw ye Matigi Ala tando! Aw ye dɔnkirikura la Matigi Ala ye, aw ye dɔnkiri la k’a tando a ɲasiranbagaw bɛɛ lajɛnnin cɛ ra.

²Izirayɛlimɔgɔw ye ninsɔndiya o danbaga kosɔn, Siyɔn dugumɔgɔw ye ɲagari o ta masacɛ kosɔn.

³O y’a tɔgɔ tando ni dɔnw ye, ka dɔnkiri la k’a tando ni longan ni kora ye;

⁴sabu Matigi Ala ta mɔgɔw ko ka di a ye, a bɛ kisiri kɛ mɔgɔ majigininw ta masiri ye.

⁵Alaɲasiranbagaw ye ɲagari Ala ta bonya kosɔn, o ye ɲagari ka pɛrɛn hali o ta layɔrɔw ra.

⁶Ala tɔgɔ kɔrɔtakumaw ye kɛ o da ra, kɛrɛkɛmuru da fla fana ye kɛ o boro,

⁷janko ka o yɛrɛ dimibɔ siyaw ra, ka mɔgɔw sara ka kaɲa ni o ta kɛwalew ye,

⁸ka siyaw ta masacɛw siri ni nɛgɛjɔrɔkɔw ye, ka o ta fagamaw sen don nɛgɛ ra;

⁹kiti min sɛbɛra o kama, o ye o kiti ben o kan. O bɛna kɛ nɔɔrɔba le ye Alaɲasiranbagaw bɛɛ kan. Aw ye Matigi Ala tando!