Read Jula Zaburuw kitabu 43 Bible Online

Zaburuw kitabu 43 - Jula bible

Zaburuw kitabu 43

¹E, Ala, ne ta kiti tigɛ, ka ne ta jo di ne ma, ka nin siya Alaɲasiranbariw kɛrɛ; ne bɔsi ka bɔ nin mɔgɔ nanbaratɔw, ani nin mɔgɔ kɛwalejuguw boro;

²sabu ele le ye ne dogoyɔrɔ ye, ne ta Ala. Mun kosɔn i banna ne ra? Mun kosɔn ne ɲanasisinin le bɛ yaalayaala, ne juguw fana bɛ ne minako juguya?

³I ta yeelen ni i ta can yira, janko ka ne tɛmɛsira yira ne ra, ka taga ni ne ye i ta kuru saninman kan, i sigiyɔrɔ ra.

⁴O ra, ne bɛna taga Ala ta sarakajɛnifɛn kɔrɔ, Ala fɛ, Ala min ye ne ta ninsɔndiya ani ne ta ɲagarikun ye; ne bɛna i fo ka i waleɲumanlɔn ni kora ye, Ala, ne ta Ala!

⁵E, ne nin, mun kosɔn ele bɛ i jusu kasi dɛ? Mun na i bɛ ŋuna? I jigi la Ala kan, sabu ne bɛna a fo k’a waleɲumanlɔn tuun; ale le ye ne kisibaga ye, ani ne ta Ala.