Read Jula Zaburuw kitabu 75 Bible Online

Zaburuw kitabu 75 - Jula bible

Zaburuw kitabu 75

¹Dɔnkirilabagaw kuntigi. Nin dɔnkiri bɛ la dɔnkiri min lacogo ra, o tɔgɔ ye ko «I kana a cɛn!» Asafu ta Zaburu. Dɔnkiri.

²Ala, an bɛ i fo ka i waleɲumanlɔn; an bɛ i fo ka i waleɲumanlɔn. An bɛ i tɔgɔ bonya lakari; mɔgɔw bɛ i ta kabakobaw lakari.

³Ne Ala ka wagati min latigɛ, ni o sera, ne yɛrɛ le bɛna kiti tigɛ can kan.

⁴Ni dugukolo bɛ yɛrɛyɛrɛ ni a sigibagaw bɛɛ ye, ne le b’a mina k’a lɔ yɔrɔ kelen na. [1]

⁵Ne b’a fɔ yɛrɛbonyabagaw ye ko: «Aw kana aw yɛrɛ bonya!» Ne b’a fɔ mɔgɔjuguw ye ko: «Aw kana aw yɛrɛ kɔrɔta!

⁶Aw kana aw kun kɔrɔta san fɛ tan, aw kana aw kun gbɛlɛya ka dabayakumaw fɔ.»

⁷Sabu bonya tɛ bɔ terebɔyanfan na, a tɛ bɔ terebenyanfan na, a fana tɛ bɔ kongokolon fan le fɛ.

⁸Ala le bɛ ko bɛɛ latigɛ; a bɛ dɔ majigi, ka dɔ kɔrɔta.

⁹Sabu minan dɔ le bɛ Matigi Ala boro; minnifɛn fariman dɔ labɛnninkoɲuman bɛ o minan kɔnɔ, fɔ a bɛ kanga. A bɛna o dɔ kɛ mɔgɔw kun. Dunuɲa mɔgɔjuguw bɛna a kami; o bɛna a min fɔ ka taga se a buruburu ma.

¹⁰Ne kɔni, ne bɛna nin lakari wagati bɛɛ; ne bɛna dɔnkiri la ka Yakuba ta Ala tando.

¹¹A bɛna mɔgɔjuguw gbanw bɛɛ karikari; mɔgɔɲumanw kun le bɛna kɔrɔta.