Read Jula Waajurikɛbaga ta kitabu 11 Bible Online

Waajurikɛbaga ta kitabu 11 - Jula bible

Waajurikɛbaga ta kitabu 11

¹I ta domuni firi ji kan, sabu ni wagati dɔ ka se, i bɛna a sɔrɔ tuun.

²Dɔ di mɔgɔ wolonfla ma, hali mɔgɔ seegi yɛrɛ ma; sabu kojugu min bɛna kɛ dugukolo kan mɔgɔ ma o lɔn.

³Ni sankabaw ka fa ji ra, o bɛ sanji ben dugukolo kan; ni yiri ka ben woroduguyanfan na, walama sahiliyanfan na, ni a kɔni ka ben yɔrɔ min na, a bɛ to o yɔrɔ le ra.

⁴Mɔgɔ min bɛ to ka fɔɲɔ le jate mina, o tigi tɛna danni kɛ. Ni mɔgɔ min tora sankabaw flɛri ra, o tigi tɛna siman tigɛ.

⁵Fɔɲɔ tɛmɛsira ye, min ye ele tɛ o lɔn, denɲɛnin farikolo bɛ labɛn a bamuso kɔnɔ cogo min na, i tɛ o fana lɔn; o cogo kelen na, Ala min ye fɛn bɛɛ kɛbaga ye, i tɛ se ka ale fana ta baara faamu.

⁶Sɔgɔmada fɛ, i ta siman seri; fɔ ka taga wula se, i kana saliya don i yɛrɛ ra, sabu min bɛna ɲa walama min bɛna cɛn, i tɛ o lon, ni a bɛɛ le fana bɛna ɲa wa, i tɛ o lɔn.

⁷Yeelen ye fɛndiman ye; ka tere yeelen ye, o ka di mɔgɔ ɲa ye.

⁸Ni mɔgɔ min ka sijan sɔrɔ, o tigi ye ɲagari o wagatiw kɔnɔ; nka a ka kan k’a hakiri to a ra ko wagatijuguw fana bɛna caya. Ko o ko bɛ kɛ, o bɛɛ ye kogbansan le ye.

⁹Ele kanbelen, i ɲagari i ta denmisɛnya wagati ra. I jusu diya i ta kanbelenya wagati ra. Ni i ta miiriya ka se ko o ko ma, ni i ɲa ka bɔ fɛn o fɛn fɛ, o kɛ. Nka i ka kan k’a lɔn ko kiti lon na, Ala bɛna taga i ɲininka nin kow bɛɛ ra.

¹⁰O kosɔn ko min bɛ na ni ɲanasisi ye, o bɔ i ta miiriya ra; ko min bɛ tɔɔrɔ lase i farikolo ma, i yɛrɛ mabɔ o ra. Sabu denmisɛnya bɛ tɛmɛ i ko dugugbɛda wagati. Nin bɛɛ ye kogbansan le ye.