Read Jula Yowɛli ta kitabu 3 Bible Online

Yowɛli ta kitabu 3 - Jula bible

Yowɛli ta kitabu 3

¹«O kow kɔ fɛ, ne bɛna ne Nin* lajigi adamadenw bɛɛ kan. Aw dencɛw, ani aw denmusow bɛna kuma sɔrɔ Ala fɛ k’a lase mɔgɔw ma; aw ta cɛkɔrɔbaw bɛna Ala ta kow ye siko ra, Ala bɛna a ta kow yira aw ta kanbelenw ra.

²«O lonw na, ne bɛna ne Nin* lajigi hali jɔncɛw, ani jɔnmusow bɛɛ kan.

³Ne bɛna kabakofɛn dɔw yira sankolo ra, ani dugukolo kan, jori, tasuma, ani bugun sisimanw;

⁴Tere bɛna kɛ dibi ye, karo bɛna wulen i ko jori. O bɛɛ le kɔ fɛ Matigi Ala ta lon bɛna se, lonba ani siranyalonba.»

⁵O wagati ra ni mɔgɔ o mɔgɔ ka Matigi Ala tɔgɔ wele, o tigi bɛ kisi; sabu Siyɔn kuru* kan, ani Zeruzalɛmu, Matigi Ala bɛna mɔgɔ dɔw bɔsi, i n’a fɔ Matigi Ala k’a fɔ cogo min na. Matigi Ala bɛna mɔgɔ minw wele, olugu le bɛna kɛ o mɔgɔ kisininw ye.