Read Jula Jateri kitabu 33 Bible Online

Jateri kitabu 33 - Jula bible

Jateri kitabu 33

¹Izirayɛlimɔgɔw tugura ɲɔgɔn kɔ ka bɔ Misiran jamana ra, gba bɛɛ ni a ta kɛrɛkɛjama; Musa ni Haruna le kɛra o ɲamɔgɔw ye. O tɛmɛyɔrɔw flɛ nin ye.

²O tagatɔ tɛmɛna yɔrɔ minw na, Musa ka o bɛɛ sɛbɛ, ka kaɲa ni Matigi Ala ta kuma ye. Ayiwa, o tɛmɛyɔrɔw flɛ nin ye:

³San karo fɔlɔ tere tan ni looru, o bɔra Ramusɛsi; o kɛra Jɔnyaban ɲanagbɛ* dugusagbɛ. Izirayɛlimɔgɔw bɔra Misiran o yɛrɛ ma le ka taga; a kɛra Misirankaw bɛɛ ɲa na.

⁴O tuma, Matigi Ala tun ka Misirankaw dencɛ fɔlɔ minw bɛɛ faga, Misirankaw tun bɛ olugu suw donna; Matigi Ala tun ka kiti ben Misirankaw ta batofɛnw fana kan.

⁵Izirayɛlimɔgɔw bɔra Ramusɛsi ka taga sigi Sukɔti,

⁶ka bɔ Sukɔti ka taga sigi Etamu, kongokolon dancɛ ra,

⁷ka bɔ Etamu, ka yɛlɛma ka taga Pi Hayirɔti fan na, Baali Sefɔn dugu ɲa fɛ, ka taga sigi Migidɔli dugu ɲa fɛ.

⁸O bɔra Pi Hayirɔti, ka Kɔgɔjiwulen cɛtigɛ ka taga kongokolon fan na. O ka tere saba tagama kɛ Etamu kongokolon kɔnɔ, ka taga sigi Mara.

⁹O bɔra Mara, ka taga se Elimu. Bunun tan ni fla ni tamarosun biwolonfla le tun bɛ Elimu. O sigira o yɔrɔ ra.

¹⁰O bɔra Elimu, ka taga sigi Kɔgɔjiwulen kɔrɔ,

¹¹ka bɔ Kɔgɔjiwulen kɔrɔ, ka taga sigi Sinɛ kongokolon kɔnɔ,

¹²ka bɔ Sinɛ kongokolon kɔnɔ, ka taga sigi Dɔfika,

¹³ka bɔ Dɔfika ka taga sigi Alusi,

¹⁴ka bɔ Alusi ka taga sigi Refidimu. Jama ma ji sɔrɔ o yɔrɔ ra k’a min.

¹⁵O bɔra Refidimu, ka taga sigi Sinayi kongokolon kɔnɔ,

¹⁶ka bɔ Sinayi kongokolon kɔnɔ, ka taga sigi Kiburɔti Hatava,

¹⁷ka bɔ Kiburɔti Hatava, ka taga sigi Haserɔti,

¹⁸ka bɔ Haserɔti ka taga sigi Ritima,

¹⁹ka bɔ Ritima ka taga sigi Rimɔn Perɛsi,

²⁰ka bɔ Rimɔn Perɛsi ka taga sigi Libina,

²¹ka bɔ Libina ka taga sigi Risa,

²²ka bɔ Risa ka taga sigi Kehelata,

²³ka bɔ Kehelata ka taga sigi Safɛri kuruyɔrɔw ra,

²⁴ka bɔ Safɛri kuruyɔrɔw ra ka taga sigi Harada,

²⁵ka bɔ Harada ka taga sigi Makelɔti,

²⁶ka bɔ Makelɔti ka taga sigi Tahati,

²⁷ka bɔ Tahati ka taga sigi Taraki,

²⁸ka bɔ Taraki ka taga sigi Mitika,

²⁹ka bɔ Mitika ka taga sigi Hasimona,

³⁰ka bɔ Hasimona ka taga sigi Moserɔti,

³¹ka bɔ Moserɔti ka taga sigi Bene Yakan,

³²ka bɔ Bene Yakan ka taga sigi Hɔri Gigadi,

³³ka bɔ Hɔri Gigadi ka taga sigi Yotibata,

³⁴ka bɔ Yotibata ka taga sigi Haburona,

³⁵ka bɔ Haburona ka taga sigi Esiyɔn Gebɛri,

³⁶ka bɔ Esiyɔn Gebɛri ka taga sigi Zini kongokolon kɔnɔ, min ye Kadɛsi ye,

³⁷ka bɔ Kadɛsi ka taga sigi Hɔri kuruyɔrɔw ra, Edɔmu jamana dancɛ ra.

³⁸Sarakalasebaga Haruna yɛlɛnna Hɔri kuru kan, ka sa yi, ka kaɲa ni Matigi Ala ta kuma ye; o kɛra Izirayɛlimɔgɔw ta tagama san binaaninan na, a karo loorunan tere fɔlɔ ra, o bɔnin kɔ Misiran jamana ra.

³⁹Haruna sara Hɔri kuru kan k’a si to san kɛmɛ ni san mugan ni saba.

⁴⁰O wagati le ra Aradi mara ta masacɛ ka Izirayɛlimɔgɔw nako kibaroya mɛn. Ale tun ye Kanaanaka le ye, a tun siginin bɛ Kanaana woroduguyanfan na.

⁴¹Ayiwa, Izirayɛlimɔgɔw bɔra Hɔri kuruyɔrɔw ra ka taga sigi Salimona,

⁴²ka bɔ Salimona ka taga sigi Punɔn,

⁴³ka bɔ Punɔn ka taga sigi Obɔti,

⁴⁴ka bɔ Obɔti ka taga sigi Iye Abarimu, Mohabu jamana dancɛ ra,

⁴⁵ka bɔ Iye Abarimu ka taga sigi Dibɔn Gadi,

⁴⁶ka bɔ Dibɔn Gadi ka taga sigi Alimɔn Diblatayimu,

⁴⁷ka bɔ Alimɔn Diblatayimu ka taga sigi Abarimu kuruyɔrɔw ra, Nebo kuru ɲa fɛ,

⁴⁸ka bɔ Abarimu kuruyɔrɔw ra ka taga sigi Mohabu kɛnɛgbɛw ra, Zuridɛn ba kɔrɔ, Zeriko dugu ɲa fɛ.

⁴⁹O sigira Zuridɛn ba kɛrɛ fɛ, Mohabu kɛnɛgbɛw ra, k’a ta Bɛti Yesimɔti ka taga se fɔ Abɛli Sitimu.

⁵⁰Ayiwa, Matigi Ala kumana Musa fɛ ka o to Mohabu kɛnɛgbɛw yɔrɔ ra, Zuridɛn ba kɛrɛ fɛ, Zeriko dugu ɲa fɛ; a ko:

⁵¹«Kuma Izirayɛlimɔgɔw fɛ, i y’a fɔ o ye ko: ‹Ni aw nana Zuridɛn ba tigɛ, ka taga don Kanaana jamana ra tuma min na,

⁵²aw ye o jamana mɔgɔw bɛɛ gbɛn; aw ye o ta jo kabakururamanw bɛɛ cɛn; o ka o ta batofɛnw tagamasiyɛn minw lalaga ni nɛgɛ ye, aw ye o bɛɛ cɛn fana, ka o ta josɔnyɔrɔw bɛɛ cici.

⁵³Aw ye jamana mina, ka sigi a ra, sabu ne ka jamana di aw le ma, janko a ye kɛ aw ta ye.

⁵⁴Aw bɛna jamana taran, gba bɛɛ ni a ta; ni ne ka yɔrɔ min yira, ko a ye di gba min ma, aw ye o di o gba ma. Minw ka ca, aw ye olugu ta yɔrɔ bonya; minw fana ka dɔgɔ, aw ye olugu ta yɔrɔ dɔgɔya. Ni ne ka yɔrɔ o yɔrɔ yira ko a ye kɛ gba min ta ye, o yɔrɔ le bɛ kɛ o gba ta ye. Aw ye jamana taran ka gbaw bɛɛ ta yɔrɔ di o ma, ka kaɲa ni o bɛmaw ta tɔgɔw ye.

⁵⁵« ‹Nka ni aw ma jamana mɔgɔw bɛɛ gbɛn, ni aw ka dɔw to yi, olugu bɛna aw sɔgɔ aw ɲadenw ra i ko ŋani, ka aw sɔgɔ aw gɛrɛn na i ko biɲɛ. Aw bɛna taga sigi jamana min na, olugu le bɛna kɛ aw juguw ye o jamana ra.

⁵⁶Ni a kɛra ten, ne tun b’a fɛ ka min kɛ olugu ra, ne bɛna o kɛ aw yɛrɛ le ra.› »