Read ebira Ijoovu 11 Bible Online

Ijoovu 11 - ebira bible

Ijoovu 11

¹Izohwa ana vị Aninaama ka:

²Ọza ẹ yị mẹ ka ọnị ee tụ ohi ịrẹka gigirigi ọnị Ijoovu kụ hi ẹtẹ aanị.

³Óó ro ka ịrẹkọkụ anị ọ zụ ọza irenu kwoku nị. Ọ̀ọ sị ẹnị mẹ enyinyi, ẹnị aa tụ ọ ohuvọ nị.

⁴Ọ́ jị ịhị yị ẹngụ anị dị o ro ka ọnị ọọ nị ọvịdị Ohomorihi nị.

⁵Aa yẹ Ohomorihi o tụ ọ ohi,

⁶dị ọ ka yị ọ ka ịrẹyọyẹ vị irenyi-irenyi. A nyị ịsa ọnị ọza kẹnẹ ẹ yị zụ yẹ. Ohomorihi vana hẹrẹ ẹnya ụya anị yọ.

⁷Ọ̀ọ ka ọnị ọ zụ yẹ Ohomorihi mẹmẹ nyị ụbanyị ọnịrị ịzị ọ nyị ụkata na za nị?

⁸Ịrẹyọyẹ Ohomorihi ọ nẹba huni ẹbẹẹba dị ọ nyịnẹ huni uruvo ẹtẹ. Sị́ ọ yẹ ọnị ọọ mẹ.

⁹Avọọ ịrẹyọyẹ anị mẹ rẹ gana huni ẹtẹ ọnịrị oku nị.

¹⁰Ohomorihi ọ̀ọ sị wụ tụ́ ikootu anị, ẹnẹ zụ dọ ụyụvọ awụ?

¹¹Ọọ yẹ ọza ẹnẹ ẹ yị nyị ịsa ọ vị. Ee re avaba odivi ọnị aa mẹ.

¹²Ịsụpa ọza zụ pá huu ọnụra nị.

¹³Dị Izohwa ka Ijoovu o ro ịnẹ dị ọ da ịpẹ yị Ohomorihi.

¹⁴Dị ọ̀ va hụụnị ebira odivi anị, dị asị ọ zẹ ka aza ene hi ini eehi anị ẹẹ mẹ̀ ebira odivi.

¹⁵Ọ̀ọ vavọọ aa mẹ, ụhị ọ̀ yị vaa nyị ọ, dị ọ nyị ọtụtụrụma, dị angwa e yi hi ọ.

¹⁶Dị o hi ayị ụya ọnị ọ vịdị rị anka enyi meē si na ngụ ịnị irehu avọọ.

¹⁷Dị ẹhẹ anị vana vara anka etohozi ọ vara tụ ịnị ẹtohweyi avọọ.

¹⁸Ohomorihi vee sere e, dị ọ sị ayị anị nẹtẹ, dị ọ nyị eyọtụra.

¹⁹Angwa ẹ yị vee hi ọ aa sụ ara. Aza vana vaa sị ụbanyị yọ.

²⁰Aza edivi e yi vee re ẹtẹ re wụ. Ẹnịnị e yi vee re aha zwe na tẹ̀, usu kẹnẹ e kuku e zi eyi nị.