Read ebira Ahẹ Ụgama 112 Bible Online

Ahẹ Ụgama 112 - ebira bible

Ahẹ Ụgama 112

¹Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

²Irima ezi ẹngụ aza ẹnẹẹ vị ana vaa nyị ụkata ịnị ẹtẹ ọnọọ. Obooro aza ana mẹ̀ ebira ana vọrọ vi oni o vee zee yị.

³Ẹngụ aza ẹnẹẹ vị ana vaa nyị oguu gwẹtẹ ini eehi, oyi vee re osiye pooro.

⁴Ẹtẹ ọ̀ọ daka hozi, aza ana nyị ayị ọnya vee re ẹtẹ. Ẹhẹ aza ana aā vayị ọza, dị ẹ nyị ayị ọnya ọyị vaa vara ịrahụ

⁵Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

⁶Nyị ịsị e zụ zizi ẹngụ aza ẹnẹẹ. Aza ana aā mẹ̀ ebira ana vọrọ vị ana a vaa tamayị anị pooro.

⁷Ọnị vị ana sị ayị tụra Ẹnẹyịmavara. Ọ̀ọ daka wụ́ enube odivi, angwa o yi vee hi ọ.

⁸Ayị anị vị ana jẹ geri-geri angwa o yi hị́ ọ, Ọnị o vee hú ọnịvị anị ẹtẹ ọdịrẹma nị.

⁹Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

¹⁰Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.