Read ebira Ahẹ Ụgama 138 Bible Online

Ahẹ Ụgama 138 - ebira bible

Ahẹ Ụgama 138

¹Ẹnẹyịmavara mâ kụ́ wụ avọ tụ̀ ịnẹ tụ̀ ịnẹ. Màa yà ịzị ohinọyị nịnị hi, ẹmị vị ana aa jịị jị ahẹ kụ́ wụ avọ.

²Wa raà sị ụbanyị yị ẹngụ awụ ọnịrị ịrẹyị awụ huna avaba ịsa ana vọ, avọọ mị vaa vá eyii kà irehi awụ, dị maa kụ́ wụ avọ. Mị vavọọ rẹ vaa kụ́ wụ agụvị ka uū sì ịrẹyị ọza dị ụ rẹẹ̄ mẹ ịzẹyịza nị.

³M mẹ̀ nowu va za wụ, wâ ba mi owu. Wâ mẹ ka ayị amị ọ̀ vị, dị ụ rẹ mẹ ka ma nyị ụkata nị.

⁴Ẹnẹyịmavara, navọ ohinọyị ene hi ẹhẹ ẹ̀ẹ wụ́ ịrẹyị ọnị ụ kà, dị ahịka vị ẹ vaa kụ́ wụ avọ nị.

⁵Ẹnịnị vaa sị ịsa ọnị ụ mẹẹ jị ahẹ, dị ẹ rẹ yaa jị ahẹ ka wâ nyị ụbanyị.

⁶Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

⁷Òo zee e eyi ẹngụkata ọ̀ gụ kara mị, wẹ yị zẹẹ ka à nyị ịsị ẹ mẹ̀ mị. Wâ sị ụkata awụ dọ mị tụ́, wẹ yị zẹẹ ka ọnịvị amị ana aa kụ́ ayị amị ẹ̀ zụ mẹ mị ịrẹyị.

⁸Ịjị ẹnị Ẹnẹyịmavara ro ka ọnị vaa mẹẹ mị vị ana aa mịị mẹ. Ẹnẹyịmavara, vi uū sì ịrẹyị ọza pooro nị. Navọ ịsa oni ụ nyima aa mẹ, wa mẹ̀ ẹ ta.