Read ebira Ahẹ Ụgama 14 Bible Online

Ahẹ Ụgama 14 - ebira bible

Ahẹ Ụgama 14

¹Ọnụra vi ene eē ro o ịnị ayị ẹnịnị ka ẹ yị nyị Ohomorihi. Dị ẹnịnị aa mẹ̀ ebira edivi-edivi irenyi-irenyi; nyị ọza ikonya ana aa mẹ̀ ebira ana vọrọ.

²Ẹnẹyịmavara ộ yà ẹbẹẹba dị ọ kana eyi chi vẹ ve re aza nị Ộ kana eyi ka ọnị ò re, àa daba nyị ọza ana yẹ ịrẹyị ene ee ro ịrẹyị Ohomorihi.

³Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi, nyị ọza ịnya ana aa mẹ̀ ebira ana vọrọ hyakụ maanị nyị ikonya.

⁴Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

⁵Ama Ohomorihi vee chire wa angwa agụvị ka ộ yà pè aza ana aā mẹ̀ ebira oni o sì.

⁶Ịsị aza ana vị ọkụmị ẹ̀ẹ ka ẹnị aa mẹ dị aza edivi za a di e du ọ hi wa ụvọ. Ama Ẹnẹyịmavara vi ene eē sere ọkụmị.

⁷Ọ́ máá navọ Ohomorihi ọ̀ hụrẹ vẹ dị ọ̀ va dọ Anisirẹrị tụ́. Ịjị Ẹnẹyịmavara ọ raà mẹ ka aza anị ọnị ịrẹkụ kụ́ ẹ̀ vavẹ, ẹnịnị vaa daa jẹ kẹnẹ!