Read ebira Ahẹ Ụgama 142 Bible Online

Ahẹ Ụgama 142 - ebira bible

Ahẹ Ụgama 142

¹Mê nowu na za Ẹnẹyịmavara. Maa ká owuu ha ka ọ̀ navọ ọ̀ vayị amị.

²Mâ kà avaba ịrẹyị ẹngụ amị zụ̀ ọ. Mị ka avaba akanya amị mị kà zụ̀ ọ nị.

³Ịjị o kú du mị eyi, Ẹnẹyịmavara ộ yẹ ịsị avọrọ ka ma mẹ. Aza vị ana và ịrẹpa ee zi mi ózee ọnị maa zị.

⁴M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

⁵Ẹnẹyịmavara, mê nowu va za wụ. Mị ka ẹwa zụ dọ mị tụ́ nị. Ẹwa vị ogu ọnị mị nyị ịnị ẹhẹ ọnọnị nị.

⁶Navọ wa ba mi owu ka ọ kụ́ mị tụ́. Navọ wa dọ mị tụ́ ka aza ana aa dụ mị ẹ sị ụkata nyị huna mị.

⁷Navọ wa ngwa mị hụụnị ẹsụ ana sụ́ mị aanị, Wàa sị mị ngwa, mị vaa kụ́ wụ avọ ịzị aza awụ ẹ̀ẹ kụ́ gụ hi agụvị ịsa ozoza ọnị ụ mẹ mị.