Read ebira Ahẹ Ụgama 148 Bible Online

Ahẹ Ụgama 148 - ebira bible

Ahẹ Ụgama 148

¹Waa kụ́ Ẹnẹyịmavara avọ nịnị. Ẹwụ nịnị ene hi ẹbẹẹba, waa kụ́ ọ avọ nịnị.

²Avaba ẹwụ nịnị anggẹẹrị anị ọ̀ọ kụ́ ọ avọ Avaba ẹwụ nịnị ọkọnị ene hi ẹbẹẹba ọ̀ọ kụ́ avọ.

³Ẹwụ ọyị ụhwẹ ọnịrị avaba ẹwụ nịnị ụzọmị ana aa zẹtẹ ọ̀ọ kụ́ ọ avọ.

⁴Ihinẹba ana nẹba hu keekere ọnịrị enyi ene hi ịrẹsụ eguhi ọ̀ọ kụ́ ọ avọ.

⁵Avaba awụ nịnị ẹnẹẹ ọ̀ọ kụ́ Ẹnẹyịmavara avọ. Ọnị ọ mẹ ọda, dị ọ mẹ avaba awụ nịnị nị.

⁶Ộ mẹ ka ọzọza ọ̀ yà udi anị pooro zịna-zịna. Ọda ọnị ọ mẹ, ẹ yị nyị ịsị ẹẹ kụ́ ọ kwooze.

⁷Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị. Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.

⁸Ẹwụ nịnị apaana ihinẹba ọnịrị ata ihinẹba ne beri eguhi ọnịrị opomi ana aā zị ụtụụ yi Ẹnẹyịmavara ọ̀ọ kụ́ ọ avọ nịnị.

⁹Ẹwụ nịnị avaba ataba ọnịrị ọchị anaā tụ́ ne beri ọchị ẹbanyị-ẹbanyị ana vọ ẹ̀ẹ kụ́ Ẹnẹyịmavara avọ.

¹⁰Ẹwụ nịnị avaba uye ịnị avị ọnịrị imaaru ne beri avaba uye ana vọ ọnịrị inomi nịnị ọ̀ọ kụ́ Ẹnẹyịmavara avọ.

¹¹Avaba ẹwụ nịnị ohinọyị anẹhẹ ne beri aza ẹbanyị-ẹbanyị,

¹²ọnịrị ezi anọrụ beri ezi anẹẹ ne chire azọkụ ọnịrị ezweyi ọ̀ọ kụ́ Ẹnẹyịmavara avọ.

¹³Avaba awụ nịnị ọ̀ọ kụ́ Ẹnẹyịmavara avọ, agụvị ka ọnị ịnyara ọ nyị ụbanyị nị, Ụbanyị anị ộ para ẹtẹ ọnịrị ihinẹba hu.

¹⁴Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị. Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ Waa kụ́ Ẹnẹyịmavara avọ nịnị.