Read ebira Ahẹ Ụgama 16 Bible Online

Ahẹ Ụgama 16 - ebira bible

Ahẹ Ụgama 16

¹Ohomorihi, navọ we sii sere mị. Wâ yẹ ka ẹwụ mi zwe va vaka nị

²Mị ka Ẹnẹyịmavara, ẹwa nyị mị nị Avaba ịsa ozoza ọnị mị nyị, ẹwa sị mị nị

³Aza Ohomorihi ene hi ini ẹtẹ ọnọnị ẹmị yẹ ka ệ vị aza ana nyị ụbanyị nị Ẹnịnị ê zee mi eyi ẹtẹẹtẹrẹ

⁴Ama aza ana aa hẹkẹ ori avọọ, ụya ẹnịnị vaa da dẹngụ Ẹ̀ẹ yàa mẹ̀ ịsọvọ, ama mẹ yị va bẹ ụvọọ tụ́ ọ yị wa Mẹ yị vaa kà ịrẹyị kanyị wa.

⁵Ẹnẹyịmavara, ẹwa vị ogu amị nọ Avaba ẹhẹ amị vị ana yà ịnị ụvọ awụ.

⁶Ọyịza-ọyịza ụ gà zị oze eyi ịdị amị nọ; Ẹ yị nyị odivi ikonya ọnị ụ gà zị oze eyi ịda amị.

⁷Ẹnẹyịmavara, mâ kụ́ wụ avọ agụvị ka ẹwụ aa zụ̀ mi oze nị. Ịrahụ dị ivehu amị ee pè mii juwe.

⁸Ẹnẹyịmavara, ịrẹyị awụ vi oni miī ro ịnị ayị amị pooro. Mâ yẹ ka wâ gụrị mị ẹtẹẹtẹrẹ, agụvị avọọ ẹ yị nyị ịsị ẹ zụ mẹ mị.

⁹Ọnọọ ộ mẹ̀ ka ịnẹ amị òo hine, dị maa jẹ ịrajẹ nị. Ma sị yẹ ka ẹ yị nyị ịsị ẹ zụ mẹ mị

¹⁰Wẹ yị vaa hụrẹ mị ụvọọ chire iswọọza ụvọ wẹ yị rẹ vaa navọ ka ọza ana vị ọza awụ ò du ha hi ini ikuta.

¹¹Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.