Read ebira Ahẹ Ụgama 17 Bible Online

Ahẹ Ụgama 17 - ebira bible

Ahẹ Ụgama 17

¹Ẹnẹyịmavara, ayị ọnya m maa sịị dá ịpẹ nọ navọ we tụ́ mi ohi. Navọ m mèe nowu aanị wa ba mi owu M màa mẹ̀ aduwa ọnọnị aanị, mẹ yị mẹ apẹ Aarịhịnị navọ wa wụ́ aduwa amị.

²Wee re ịsa ana vị ịzẹyịza wẹ yị vaa jị ịvịị mị.

³We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

⁴Anka ịrẹyị ọnị ụ kà, mẹ yị zẹẹ ka ma saasa ebira odivi ana aza aā mẹ Mẹ yị dọ ka ma nyị ụvọ tụ́ ini ebira aza ana aā chamayị.

⁵Oze ọnị ụ ka ma zị mị và tụra nị mẹ yị zẹẹ ka ma ha hụrẹ oze.

⁶Ohomorihi, ẹwụ m maa hị́ nọ mâ yẹ ka ụ vaa ba mi owu Aarịhịnị navọ we batọ dị wa wụ́ aduwa amị.

⁷Navọ aza è re e ka wê sì ịrẹyị aza ẹnẹmẹhị Aza ene èe zwe va vaka wụ, ụkata awụ ụ sịị dọ waa tụ́ hụụnị ụvọ ọnịvị ẹnịnị nị.

⁸Navọ anka u mè si eyi pè igoreyi awụ dị wẹ̀ yị zẹẹ ka à nyị ịsị ẹ jị ngụ ọ avọọ wa vavọọ sị eyi pe mi Navọ wa gana avaka kú mi agụvị asị aza edivi zụ sị ịsa ọnyọọnyị mẹ mị Wâ yẹ ka ọbarọza ẹnẹẹ ana kara amị avọọ ẹ zụ wụ̀ ọza.

¹⁰Ẹnịnị ẹ yị mā vayị ọza vị ẹnịnịị̄ nyị irenuu zị nị.

¹¹Ịzị màa zị dị ẹ dà kara mị e yee sì oze ẹnị ẹ va zịị gụ mịị hyẹdụ.

¹²Ẹnịnị vị ana sị mẹẹ anka idu avọọ e yee bè mi ka ẹnị ẹ̀ za mị dị ẹnị ẹ̀ gara mị ha.

¹³Ẹnẹyịmavara, navọ wa kwẹẹtẹ tù wa, dị wa gụ wa hyẹdụ Navọ wa tụ̀ ụhwọ tù aza edivi ẹnẹnị dị wa dọ mị tụ́ de.

¹⁴Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

¹⁵Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.