Read ebira Ahẹ Ụgama 27 Bible Online

Ahẹ Ụgama 27 - ebira bible

Ahẹ Ụgama 27

¹Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

²Ịjị aza edivi ana vị ọnịvị amị ẹ̀ẹ dà pè mi dị ẹ ka ẹnị aa vaa wụ̀ mị nị, ẹnịnị vị ana vaa tụ́ ahụ dị ẹ vangga.

³Òo zee e eyi ịrẹkụ ò jesi kara mị me yi vee hí angwa Mị ka aa daka kụ́ ịrẹkụ ve tù mị ayị amị o yi vee zizi.

⁴Ịsị mee sì ọnị maa dá ịpẹ ka Ẹnẹyịmavara ọ̀ mẹ mị! Ọ vị ka ma zụ yà ini eehi anị pooro ịnị avaba ẹhẹ amị Màa vavọọ yà ini eehi anị di mee re ụbanyị anị. Mee sì ka maa yà ini irehi anịị mẹ̀ aduwa pooro.

⁵Mâ yẹ ka ịhị ịrẹyị ọ̀ọ vẹ, ọ vaa sị mịị tẹ ini eehi anị ịzọọ. Ini eehi anị ọnọọ ọ vaa sị mịị tẹẹ tụ́, dị ẹ yị nyị ịsị ẹ zụ kanyị mị nị.

⁶Ọ̀ọ vavọọ raà dọ mị tụ́, mi vee huna avaba ọnịvị amị ana kara mị Di mi nọ ini eehi anị, dị maa sị ịrajẹẹ jị ahẹ ga a. Màa jị ahẹ ọnọọ di mee hú ịsaa tụ́ ọ.

⁷Ẹnẹyịmavara, navọ màa hị́ wụ, wa ba mi owu Navọ wa vayị amị di we tụ́ mi òhi.

⁸Ayị amị vị ana kà a mị ka maa hẹkẹ wụ. Ẹnẹyịmavara, ẹwụ mị vaa hẹkẹ ịzẹyịza nị.

⁹Aarịhịnị, navọ asị ụ sị ẹngụ tẹẹ mị Navọ asị ụ sị ọyịkụ dụ mị hụụ ịdị awụ Mâ yẹ ka ẹwaā gụ mị ụvọ nị, navọ asị ụ hụrẹ mị ụvọ tịtẹ ẹwụ Ohomorihi ana aā dọ mịị ha.

¹⁰Ọnyị amị ọnịrị ada amị ẹ̀ẹ daka hí ayị amị mâ yẹ ka Ẹnẹyịmavara ọ yị vaa hụrẹ mị ụvọ.

¹¹Ẹnẹyịmavara, navọ kwogwo waa sị oze awụụ zụ̀ mị Asị ụ zẹẹ ka me nyee eyi, ụvị agụvị ọnịvị amị.

¹²Aarịhịnị, asị ụ zẹẹ ka ọpa ọnịvị amị ọ̀ nọ ịzị eyi ẹnịnị kà agụvị ka ẹnịnị vi ene ee cheechee kú mị di e yee si mị ẹnị ẹẹ̄ mẹ ọnya.

¹³Mâ yẹ kaakara ka mi vee re ịsa ozoza ẹnị Ẹnẹyịmavara vaa mẹ ịnị ẹhẹ ọnọnị.

¹⁴Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.