Read ebira Ahẹ Ụgama 36 Bible Online

Ahẹ Ụgama 36 - ebira bible

Ahẹ Ụgama 36

¹Aza edivi vị ana nyayịnẹ sì ịrẹyị ebira odivi ịnị ayị ẹnịnị Ẹnịnị ẹ yị hyakụ hị́ angwa Ohomorihi vụrụ-vụrụ.

²Ee vene ẹngụ anị, ee ro ka iruvo ka iruvo anị ọ yị vaa tụ́ ẹhẹ ịnị ebira odivi anị ana vaa mẹ ka à nyị ịhyẹrẹ anị.

³Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

⁴Ọ̀ọ na hụtụ, di ee ro ịrẹyị odivi ọnị ọ vaa mẹ Ebira odivi kẹnẹ ọ dọ ọda anị nị, ọ yị yara yi ka ọnị ọ yị mẹ̀ ebira odivi.

⁵Ẹnẹyịmavara, ọza ọ yị zụ kà a ịzị ụụ̄ sì ịrẹyị ọza naa za Avaba ịsị ụụ̄ mẹ bemi, vị ọnị ụụ̄ sị ịzẹyịza mẹ.

⁶Ọza ọ yị zụ si irenu kà a ta anka ụ mẹ̀ẹ mẹ̀ ịsa ana vọrọ Ẹ yị nyị ụmẹ ọnya oni ụụ̄ sii sima ọkarẹyị mẹ Ẹnẹyịmavara, ewu ee sere ọza ọnịrị ịsụpa nị.

⁷Wê sì ịrẹyị ọza pooro ana ahịka ọza o yi zụ juwe anị Ịda awụ avaba aza va vaka tụ́ nị.

⁸Aza ệ vẹ ịda awụ, dị ụụ hara ịsọyịrị yị wa dị ẹ rị dị ịnẹ há wa nị Wâ mẹ̀ ịsa ozoza yị wa ana nọ wa onyi anka aza ene ne hú enyi ini okuha avọọ.

⁹Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

¹⁰Navọ weē sii sì ịrẹyị aza ana sị ayị ẹnịnị yị wụ dị waa sị ịzẹyịza beri anyị ọnyaa mẹ.

¹¹Asị ụ navọ ka aza ana aa mẹ eyi ọnịrị aza edivi ẹ̀ zụ dụ mị hụrẹ oze.

¹²Wéē re ịzị aza edivi nịnị hyẹdụ và hị́ Ẹnịnị hi ẹtẹ ịzọọ, ẹ yị zụ kwẹẹtẹ.