Read ebira Ahẹ Ụgama 43 Bible Online

Ahẹ Ụgama 43 - ebira bible

Ahẹ Ụgama 43

¹Ohomorihi navọ wa sị zụ̀ ka mẹ yị rị ịvị Navọ wa dọ irenu amị kụ́ agụvị ka aza edivi ẹ sị dà pè mi Navọ wa dọ mị tụ́ hụụnị ụvọ aza edivi ẹnẹẹ ene ee cheeche.

²Ẹwa vị Ohomorihi amị nị ịda awụ mi zwe va vaka ka asị a nyị ịsị ẹ zụ kanyị mị nị Vi u wéé reè hi ayị amị nị? Ụ wáá ka ọnịvị amị ẹ̀ maanị mịị mẹ ẹchakaa mi di mee su ùnèe zị nị?

³Navọ ahịka ẹtohweyi ọnịrị ịzẹyịza awụ aa zụ̀ mị oze nị Navọ ahịka ẹnị mị sị aa nọ ịnị ataba awụ ọnị ụ yà nị.

⁴Màa vavọọ nyị ẹtohweyi ọnịrị ịzẹyịza awụ, mê re oze aa nọ aha ịsọvọ awụ haara Dị ma vavọọ aa nọ ịda ẹwụ Ohomorihi amị ana aā mẹ ka maa jẹ ịrajẹ, dị ịnẹ amị òo hine Dị mị sị agidibò dị maa sịị jị ahẹ kụ́ wụ avọ Ohomorihi, ẹwa vị Ohomorihi amị nọ!

⁵hyakụ vọrọ ka ma maanị và ẹngụ hi di mee du ayị Maa sị ayị amị tụra Ohomorihi mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.