Read ebira Ahẹ Ụgama 47 Bible Online

Ahẹ Ụgama 47 - ebira bible

Ahẹ Ụgama 47

¹Avaba ẹwụ nịnị anẹhẹ, waa kụ̀rà ụvọ, dị ịnẹ awụ nịnị òo hine dị waa jị ahẹ gama Ohomorihi nịnị baaba.

²Â nyị ka ọza òo hí angwa Ẹnẹyịmavara ana nẹba hu keekere Ọnị ọ vị ohinọyị ọbanyị ana nyị avaba ẹhẹ nị.

³Ọ raà mẹ ka ya nyị ẹbẹẹba anẹkụra ana vọ mị ka ẹyị ọ mẹ ka ò huna avaba anẹkụra nị.

⁴Ohomorihi ọ nyị ẹtẹ ayịị yị nị Ẹtẹ ọnọọ vị ọnị ọ sị yị aza anị oni o sì ịrẹyị anị Aza anị ê sì ịrẹyị ẹtẹ ọnọọ ẹtẹẹtẹrẹ.

⁵Ohomorihi o si hu aa vàa hịrẹ ọ màa na, dị aza ee nowu, di e yee hú ọpanyị, dị ẹ yaa jẹ ịrajẹ nị.

⁶Waā jị ahẹ dị wa sịị kụ́ Ohomorihi avọ nịnị mị ka waa jị ahẹ kụ́ ohinọyị ayị wa vavọọ jị ahẹ kụ́ ọ nịnị.

⁷Ohomorihi ọ vị ohinọyị avaba anẹhẹ nị waā jị ahẹ dị wa sịị kụ́ ọ nịnị.

⁸Ohomorihi ọ raà rị ohinọyị tụ́ ịrẹsụ avaba anẹhẹ Ọ yaayịtẹ aha ohinọyị anị.

⁹Ohinọyị anẹkụra nịnị ẹ raà kụ́ gụ na vaka aza Ohomorihi Abụrahamị Ohomorihi ộ nyị ụkata hu avaba aza ana kụ́ gụ ọnị ọ nyị ụbanyị hu keekere nị.