Read ebira Ahẹ Ụgama 53 Bible Online

Ahẹ Ụgama 53 - ebira bible

Ahẹ Ụgama 53

¹(Ahẹ Idevidi anka ahẹ Imaharati. Ahẹ ana sị sị kọ ịrẹyọyẹ kọ ọza ana yà ịnị ụvọ ọga ọjahẹ). Ọnụra vi ene eē ro o ịnị ayị ẹnịnị ka ẹ yị nyị Ohomorihi Dị ẹnịnị aa mẹ̀ ebira edivi-edivi irenyi-irenyi nyị ọza ikonya ana aa mẹ̀ ebira ana vọrọ.

²Ohomorihi ộ yà ẹbẹẹba dị ọ kana eyi chi vẹ ve re aza nị Ộ kana eyi ka oni ò re, àa daba nyị ọza ana yẹ ịrẹyị ana aa hẹkẹ Ohomorihi.

³Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi nyị ọza ịnya ana aa mẹ̀ ebira ana vọrọ hyakụ maanị nyị ikonya.

⁴Di Ohomorihi ka aza edivi ẹnẹnị ẹ yị yẹ ịrẹyịị? Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ Ẹ yị hyakụ kà a ka ẹnị aa mẹ ịpọdaa hi Ohomorihi.

⁵Ama Ohomorihi vee chire wa angwa ana ahịka ẹnịnị eè yi re da Aza ana àa kwẹẹtẹ tù aza Ohomorihi, Ohomorihi vị ana vaa tana ụvọọ za aza ẹnẹẹ Aza Ohomorihi ọ vaa nyị ehuna aza ẹnẹẹ nị, agụvị ka Ohomorihi ọ sị aza ẹnẹẹ yi tịtẹ.

⁶Ọ maa navọ Ohomorihi ọ̀ hụrẹ vẹ dị ọ va mẹ ka Anisirẹrị ẹ̀ nyị ẹbẹẹba ọnịvị ẹnịnị Ịjị Ohomorihi ọ̀ọ rẹ raà mẹ ka òo zee yị Anisirẹrị, ẹnịnị vaa dàa jẹ kẹnẹ.