Read ebira Ahẹ Ụgama 56 Bible Online

Ahẹ Ụgama 56 - ebira bible

Ahẹ Ụgama 56

¹Ohomorihi, navọ wa vayị amị kwogwo, ka aza ẹ sị kwẹẹtẹ tụ́ mi, ẹ yaa dụ mị Avọọ ẹnịnị maa dụ mị pooro kẹnẹ nị.

²Aza ẹnẹẹ ene ee du mị ịrẹsụ vị ana aa dụ mị pooro kẹnẹ Aza ana vavọọ aa dụ mị ệ rụrụ ẹtẹẹtẹrẹ Ẹnịnị vị ana aa mẹ eyii zị.

³Ohomorihi, ángwa mèe hi mị, dị mị sị ayị tụra wụ nị.

⁴Mâ sị ụbanyị yị ịrẹyị awụ, Ohomorihi Ọnị mị sị ayị tụra nị, angwa o yi vee hi mị agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.

⁵Ọnịvị amị vị ana aa kụ́ ọ kata mị ẹngụ pooro kẹnẹ dị ẹ yaa gẹ eyi amị ka ẹnị ẹ̀ mẹ mị ọnya.

⁶Ẹnịnị aa gẹ eyi amị, e yee bè mị di e re sị eyi pè avaba ịsị maa mẹ̀ nị e yee sì ka ẹnị ẹ̀ wụ̀ mị.

⁷Ohomorihi, navọ wa sị ụya rị aza ẹnẹẹ agụvị ebira odivi ẹnẹẹ yaa mẹ Sị ọyịkụ-ọyịkụ và aza ẹnẹẹ nẹtẹ.

⁸Wê re m maa rị ụya dị maa ka ẹgọ eyi mâ yẹ ka wâ chẹrẹ ẹ tịtẹ.

⁹Ịhị màa hị́ wụ ka wa ba mi owu, ọnịvị amị vee zwee varẹma Ọnọọ vaa mẹ ka ma yẹ ka Ohomorihi jẹẹ mị ịrẹma.

¹⁰Mâ sị ụbanyị yị ẹwụ Ẹnẹyịmavara ana vị Ohomorihi.

¹¹Ọnị mị sị ayị tụra nị, angwa o yi vee hi mị agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.

¹²Ohomorihi, ịsọvọ ọnị mị ka maa sịị vaa wụ̀ vị ọnị maa sịị vẹ mị ka maa sị ịsọvọ amịị vaa wụ̀ dị ma sị kụ́ wụ avọ.

¹³Wa sị mị dọ tụ́, wẹ rẹ vaa zẹẹ ka me sú wẹ yị zẹẹ ka ma hyẹdụ Maa mẹ̀ ịsa ẹnị ẹwụ Ohomorihi sì ịzị ẹtohweyi awụ mẹ ka ọza ọ̀ yàra.