Read ebira Ahẹ Ụgama 58 Bible Online

Ahẹ Ụgama 58 - ebira bible

Ahẹ Ụgama 58

¹Ẹwụ nịnị aza ẹbanyị, ụ wáā kịị kà ịzẹyịza nịnị aanị? Wáá zẹẹ ka waa sị ịzẹyịzaa mẹ̀ ọkarẹyị aza?

²Mâ yẹ ka wẹ mā mẹ ịzẹyịza nịnị Ebira odivi-odivi kẹnẹ ụụ̄ mẹ nịnị ịnị ẹhẹ nị.

³A mẹ̀ hụrẹ ma aza edivi ẹ hụrẹẹ̄ mẹ̀ ebira akụvị nị di e yee cheeche pooro kẹnẹ.

⁴Ẹ nyẹngụ sị ịrẹyị ẹnịnị wụ̀ ọza anka ẹchịpa ẹ́wụ́ mẹ̀ẹ wụ̀ ọza avọọ Ịrẹyị ẹnịnị àaa wụ̀ ọza kẹnẹ, àa ka ọ̀maa. Vị ọ sị mẹẹ anka ịrẹrụ ẹwụ odivi ẹnẹ ẹ̀ yị mā wụ́ ahọ̀nọ avọọ nị nyị ọza mẹ̀ yara mẹ irere na za, ana aā mẹ̀ ẹ.

⁶Ohomorihi, navọ we hu anyị hi ọnịvị ẹnẹẹ irenu Mị ka navọ wa jị ọgọ chire irenu aza edivi ana sị mẹẹ anka idu avọọ.

⁷Navọ ayị ẹnịnị ò hi anka enyi mèe sìi parahu dị ayị hi avọọ Ẹ̀ẹ raà kụ́ ẹnya ịrẹkụ tù ọza, asị ụ zẹẹ ka à nyị ịsị ẹ zụ mẹ.

⁸Navọ ahịka vị ẹhẹ ẹnịnị yà anka ịrẹẹ ana a wọ̀rọ̀ avọọ nị mẹ wa anka ozi ene sú hụụnị ịnẹ ọnyị anị vẹ di ò yi rè vee re ẹhẹ.

⁹Ohomorihi, dị ẹ̀ va yẹ ka ịrẹyị ee vee tù ẹnị, navọ wa gara wa va ha chẹkẹchẹkẹ dị wa sị ọyịkụ-ọyịkụ kụ́ wa kwooze.

¹⁰Ịjị ọnịzẹyịza èe re ka a raà sị ụya rị aza edivi ẹnịnị vaa jẹ, dị ẹ yaa kụ́ ahụụ hi aza edivi naa paraahu.

¹¹Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.