Read ebira Ahẹ Ụgama 61 Bible Online

Ahẹ Ụgama 61 - ebira bible

Ahẹ Ụgama 61

¹Ohomorihi, navọ kwogwo wa ba mi owu, dị wa wụ́ aduwa amị.

²Wéē re ka mẹ yị gụrị eehi vụrụ-vụrụ ịzị mị yà aa hị́ wụ aanị Ọ kụ́ mị tụ́, ộ ta du mi eyi Navọ we sì aha sị mị tẹ dị asị a nyị ịsị ẹ zụ mẹ mị.

³Ohomorihi, ẹwụ ee sere mị ka asị a nyị ịsị ẹ mẹ̀ mị, nọ Wẹ yị zẹẹ vụrụ-vụrụ ka ọnịvị ò re oze kanyị mị.

⁴À kà ka ini eehi awụ mị yà pooro ịnị ẹhẹ amị nị, di me re aha vaka tụ́ ịda awụ.

⁵Ohomorihi wâ wụ́ ịsị mị ka mị vaa mẹẹ wụ Aza ana àa sị ụbanyị wụ â nyị ịsị u sịị̄ yị wa wa raà sị ịsa ọnọọ mị.

⁶Navọ kwogwo wa mẹ ka ohinọyị ò kú orubo ọcha, ò kú orubo ẹya.

⁷Ohomorihi, navọ kwogwo ohinọyị ọ̀ maanị yị yà eyi awụ dị ọọ mẹ ohinọyị pooro Navọ we sere e anka u mè sii sì ịrẹyị ọza, dị ụ rẹ nyị ịzẹyịza.

⁸Wàa maanị mẹ, dị maa jị ahẹ kụ́ wụ avọ pooro Ịsị mị ka maa mẹẹ wụ, dị mị vavọọ aa mẹ̀ ẹ wụ eyinị-eyinị.