Read ebira Ahẹ Ụgama 65 Bible Online

Ahẹ Ụgama 65 - ebira bible

Ahẹ Ụgama 65

¹Ohomorihi, ẹwụ aza ene hi tangwa aa kụ́ avọ nọ Ịsị ị ka yaa sịị vaa wụ̀ vị ọnị yaa sịị vẹ.

²Yâ yẹ ka ụụ̄ wụ́ ịpẹ agụvị avọọ avaba anẹhẹ vaa vẹ vaa dá ịpẹẹ wụ agụvị ịsa odivi ẹnị ẹ mẹ Ịvị ayị òo si chi yị ẹngụ, ụ vaa vagu yị ịnị anị.

⁴Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

⁵Wâ wụ́ aduwa ayị, dị ụ mẹ ka ye huna ọnịvị ayị nị Ohomorihi anaā dọ yịị ha, ẹwụ avaba anẹhẹ saka-saka avaba aha sị ayị tụra nị.

⁶Ụkata awụ ụ sị kụ́ ataba jẹẹ nị Wâ vavọọ mẹ̀ ẹ ka wa sị zụ̀ ịzị ụ nyị ụkata na za.

⁷Ịjị òkū aa dà vụụ-vụụ, dị aa jị ayị, ẹwa mẹ̀ ẹ ka ọ̀ varẹma nẹtẹ hẹẹ nị Mị ka ịjị anẹhẹ kwẹẹtẹ aa mẹ ezigi ẹwa varẹma sị wa ayị nẹtẹ nị.

⁸Avaba anẹhẹ vi ene ee hí angwa ịsa ọnị ụ mẹ Avaba aza vị ana aa jẹ ịrajẹ di e yee nowu agụvị ụkọrọ ọnị ụmẹ.

⁹We yi hi ayị ẹtẹ aza awụ, dị waa zụ̀ orihii tụ́ ọ nị Wâ mẹ ka ẹtẹ ọnọọ ò zoza dị ọ̀ọ mẹ̀ ịsa ẹtẹẹtẹrẹ. Ohomorihi, wâ mẹ ka enyi è hi ini okuha awụ agụvị aza è zụ re enyi kụ́ ịsa tụ́ ịnị aarẹ.

¹⁰Ẹtẹ ana a jị ịrịkụ vị ọnị ụ nyayịnẹ zụ̀ orihi hi Wâ mẹ ka ẹtẹ ọ̀ rẹngụ, dị ịsa ene e chire tụ́ ọ ẹ̀ẹ hụ.

¹¹Wê nyị aza iyi ka ịsa ịnị aarẹ ẹ̀ mẹ ẹtẹẹtẹrẹ Avaba aha vị ọnị ịsa mẹ gwẹtẹ kẹnẹ.

¹²Ẹtẹ ana nyị avị ịzị ịsụpaā rị vị ọnị ịsụpa gwẹtẹ hị́ Avị ene hi ịnị ataba vị ana nyayịnẹ hunẹnẹ.

¹³Ịsụpa vị ana gụ hi ini ozi avọọ ịsa ịnị aarẹ mẹ̀ rẹ mẹ hi ẹtẹ nị Avaba ịsavị-ịsavị vị ana nyayịnẹ zoza, dị ẹngụ ẹnịnị hunẹnẹ.