Read ebira Ahẹ Ụgama 67 Bible Online

Ahẹ Ụgama 67 - ebira bible

Ahẹ Ụgama 67

¹(Ahẹ ana yà ịnị ụvọ ọga ọjahẹ; ahẹ ene eē hú agidibò tụ́). Ohomorihi ọ̀ navọ ọ̀ vayị ayị, dị ọ̀ mẹ ka ò zee yi. Mị ka ọ̀ navọ kwogwo ọ̀ mẹ ka ò zee yi.

²Ohomorihi, wàa vavọọ mẹ, aza vaa yẹ ịsa ọnị ụụ̄ mẹ, avaba anẹhẹ vaa yẹ ka ẹwaā dọ ọzaa há nị.

³Ohomorihi, navọ ahịka vị avaba aza va aa kụ́ wụ avọ nị, mị ka à kà ka avaba aza ẹ̀ẹ kụ́ wụ avọ.

⁴Navọ kwogwo wa mẹ ka anẹhẹ ẹ̀ẹ jẹ dị ẹ̀ẹ jị ahẹ. Ịzẹyịza ẹwụ aa sịị mẹ̀ ọkarẹyị aza nị. Ẹwụ aa sị oze zụ̀ anẹhẹ nị.

⁵Ohomorihi, navọ ahịka vị avaba aza va aa kụ́ wụ avọ nị. Mị ka à kà ka avaba aza ẹ̀ẹ kụ́ wụ avọ.

⁶Ịsa ịnị aarẹ ệ mẹ ẹtẹẹtẹrẹ. Ohomorihi, ẹwụ ana vị Ohomorihi ayị, wa raà mẹ ka ò zee yị.

⁷Mị ka Ohomorihi ọ raà mẹ ka ò zee yi. Â vọrọ ka avaba anẹhẹ saka-saka ẹ̀ sị ụbanyị yọ.