Read ebira Ahẹ Ụgama 75 Bible Online

Ahẹ Ụgama 75 - ebira bible

Ahẹ Ụgama 75

¹(Ahẹ Asahwi ana ya ịnị ụvọ ọga ọjahẹ ọ ka asị a wụ ọ) Ohomorihi ya kụ́ wụ avọ ẹtẹẹtẹrẹ, wa raà kà pè aza awụ, dị aza aa kà ịrẹkụkụ ịsa ọnị ụ mẹ nị.

²Ụ ka wa sị ụmẹ jị ọnị ụ vaa sị mẹ̀ ọkarẹyị. Ụ rẹ ka ọkarẹyị ịzẹyịza ụ vaa mẹ nị.

³Ohomorihi, ụ ka ịjị ẹhẹ ọnịrị aza ene hi ịnị anị aa vangga, ẹwa sị ụvọ za ẹhẹ jẹẹ geri-geri nị.

⁴Wâ kà a yị aza edivi ene ee wùu zị ka asị e rè wo oto Ụ ka asị aza edivi rẹ mẹ ịkanggụ.

⁵Ụ ka asị ẹnịnị rẹ nyị irenu hi ẹwụ Ohomorihi, dị asị ẹ rẹ ka ịrẹyị oni irenu ẹnịnị ò yi tù.

⁶Òo zee e eyi ọza ọ̀ hụrẹ oze ọnị ọyịị̄ zịị hụrẹẹ vẹ, ọ̀ọ vi oze ọnị ọ zịị̄ na ngụ ẹtẹ ọ daka rẹ hụrẹ vẹ nị, ọ̀ọ daka rẹ va hụụnị ụnọmị vẹ ẹ yị nyị ịzị ọza zụ hụrẹ va kà ọza hịrẹ.

⁷Ohomorihi ọnị ịnya kẹnẹ ọọ̄ mẹ̀ ọkarẹyị nị. Ọọ̄ kà aza enyi chi, dị ọ kà ọsa hịrẹ.

⁸Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi dị ọ sị tụ́ ini ako rị ụvọ. Avaba anị ọ vaa vàa yị aza edivi ene hi ịnị ẹhẹ ka è hú ọnị.

⁹Ẹmị vị ana vị vaa kà ịrẹyị Ohomorihi oni Ijekọvụ hẹkẹ pooro, dị maa jị ahẹ gono o.

¹⁰Ohomorihi vaa gara ụkata aza edivii ha, dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.