Read ebira Ahẹ Ụgama 85 Bible Online

Ahẹ Ụgama 85 - ebira bible

Ahẹ Ụgama 85

¹Ẹnẹyịmavara, wâ vayị aza ene hi ịnị ẹtẹ ọnọnị. Wa raà mẹ ka ẹngụ Anisirẹrị ẹ̀ rẹ varẹma hunẹnẹ.

²Wa raà vagu aza awụ ini ebira odivi ẹnị ẹ mẹ, wa raà si eyi hụụnị avaba ịvị ẹnị ẹ rị.

³Wa rẹ raà và hụụnị ayị ana vịdị nyayịnẹ aa kụ́ wụ.

⁴Ohomorihi ana vị ọdọzaha ayị, navọ wa sị ẹngwọọrọ varẹma va yị, dị asị ụ kụkụ kụ́ ayị hi yị.

⁵Aanị ụ wáá mẹ kụkụ vị vaa kụ́ ayịị hi yi pooro zịna-zịna nị?

⁶Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.

⁷Ẹnẹyịmavara, navọ wa vayị ayị anka ụ mẹẹ̄ yịị vayị ọza, dị wa dọ yị há.

⁸Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

⁹Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

¹⁰Aza vaa nyị ayị ọnya, di e yee sì ịrẹyị ẹngụ, dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.

¹¹Anẹhẹ vaa sị ayị ọnyaa nọ ịda Ohomorihi, dị Ohomorihi ọnị raa mẹ̀ ịsa ana vọrọọ yị wa.

¹²Mâ yẹ kaakara ka Ẹnẹyịmavara vaa mẹ̀ ịsa ene zoza, dị ẹtẹ ayị vaa mẹ̀ ịsa.

¹³Ẹnẹyịmavara vị ana vaa mẹ̀ ịsa ana vọrọ, oze ịzẹyịza ọ vaa vàa tụra nị.