Read ebira Ahẹ Ụgama 92 Bible Online

Ahẹ Ụgama 92 - ebira bible

Ahẹ Ụgama 92

¹Ẹnẹyịmavara, ọgọdọgọdọ ọnị ụvọ ọza ọyị mē tụ̀, â vọrọ ka àa kụ́ wụ avọ, dị aa jị ahẹẹ gono wu.

²Dị aa kà a ẹnẹnẹ-ẹnẹnẹ ka ụụ̄ sì ịrẹyị ọza, dị aa rẹẹ kà a oruva òo si tù ka wa rụra sị ayị tụra.

³Di ee hú agidibò irenyi-irenyi jị ahẹ gono wu.

⁴Ẹnẹyịmavara, waa mẹ ka ịnẹ amị òo hine. Maa jẹ, maa jị ahẹ agụvị ịsa ẹbanyị-ẹbanyị ọnị waa mẹ.

⁵Ẹnẹyịmavara, ụkọrọ awụ ộ dà banyị kẹnẹ, avọọ u me ree ro ịrẹyịị nyịnẹ nị.

⁶Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

⁸Ama ẹwụ Ẹnẹyịmavara vị ana vaa nyị ụbanyị pooro.

⁹Ẹnẹyịmavara, mâ yẹ kaakara ka ẹ yị nyị a mẹ̀ẹ kụ́ ọ, ọnịvị awụ vi ene vee vú ẹtẹ, Avaba aza ana mẹ̀ ebira edivi vị ana a vaa gara ha

¹⁰Wa raà mẹ ka ma nyị ụkata anka ụnọ, dị ụ raà mẹ ka ò zee mị dị maa jẹ nị.

¹¹Aza ana kwẹẹtẹ tù mị ẹ kụ hyẹdụ éyi amị. Ma sị wụ́ ọnịvị amị nịnị mẹ̀ và angga.

¹²Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

¹³Ẹnịnị vị ana vaa sị mẹẹ anka ọchị ene e chire tụ́ ini eehi Ẹnẹyịmavara, dị ẹ vavọọ hi ini irehi Ohomorihi ayị dị ẹ yaa yara.

¹⁴Ọchị ẹnẹẹ mẹ̀ sị vị ọzọkụ, ẹngụ ẹnịnị vi ene hi hunẹnẹ, dị ẹ yaa tịị tụ́.

¹⁵Ọnọọ ộ sị zụ̀ ka Ẹnẹyịmavara vị anaā mẹ̀ ịsa ana vọrọ, Ọnị ọ vị ịzị mị na tẹ̀ tụ́ dị à yị nyị ịsị ẹ zụ kanyị mị nị, Ọ mā mẹ̀ ebira odivi vụrụ-vụrụ.