Read ebira Ahẹ Ụgama 98 Bible Online

Ahẹ Ụgama 98 - ebira bible

Ahẹ Ụgama 98

¹Waā jị ahẹ ọwọọwa gono Ẹnẹyịmavara nịnị, agụvị ka ịsa ọnị ọ mẹ ộ banyị. Ọ raà sị ụkata ẹngụ anị nyị ehuna.

²Ẹnẹyịmavara ọ raà sị zụ̀ ka ọnị ọ nyị ehuna nị, dị ọ rẹ sị zụ̀ anẹhẹ ka ịsa ana vọrọ ọnịị̄ mẹ nị.

³Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

⁴Avaba ẹwụ nịnị anẹhẹ, weē nowu ịrajẹẹ kụ́ Ẹnẹyịmavara nịnị, waa sị ịrajẹẹ hú ịsa, dị waa jị ahẹ, dị waa mẹrị nịnị.

⁵Sị àgidibò irenyi-irenyi di wee hú ọ, dị wa sịị jị ahẹẹ gono Ẹnẹyịmavara nịnị.

⁶Si ịkakanchị ọnịrị ọpanyị ịdẹba, dị waa sị ịrajẹ hú ọ hị́ Ẹnẹyịmavara ana vị ohinọyị.

⁷Òkū ọnịrị avaba ịsị e hi ịnị anị ẹ̀ẹ sị ịrajẹẹ nowu, dị avaba ẹhẹ ọnịrị aza ene hí ịnị anị ẹnị ẹ̀ rẹ vavọọ jẹ

⁸Okuha nịnị ẹ̀ẹ kụ̀rà ụvọ, dị ataba nịnị è duduu jị ahẹ dị ẹẹ jẹ.

⁹Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.