Read ebira Ayịsaya 12 Bible Online

Ayịsaya 12 - ebira bible

Ayịsaya 12

¹Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

²Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

³Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ. Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.

⁴Ẹkụhị aa vẹ ọnị aza vaa jị ahẹ, dị ẹ ka, “Waā kụ́ Ẹnẹyịmavara avọ. Waā hị́ ọ ka ọ̀ va gụ wụ ụvọ! Kà ẹ yị anẹhẹ ịsị ọ mẹ! Kà a yị wa ọ mẹmẹ nyị ụbanyị!

⁵Jị ahẹ gono Ẹnẹyịmavara agụvị ịsa ẹbanyị-ẹbanyị ọnị ọ raà mẹ̀. Waa kà ịrẹkụkụ anịị yị avaba anẹhẹ.

⁶Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”