Read ebira Ayịsaya 56 Bible Online

Ayịsaya 56 - ebira bible

Ayịsaya 56

¹Ẹnẹyịmavara ộ kà a yị aza anị ka, “Waa mẹ ịzẹyịza nịnị ọnịrị ịsa ana vọrọ, agụvị ka e yi vee kù dị ma dọ wụ nịnị ha.

²Mị vaa mẹ ọyịzaa yị avaba aza anaā saasa ọda ẹkụhị ụhwọtụ, dị ẹnịnị ẹ yị ma mẹ kẹnẹ-kẹnẹ ịnị anị. Mị vaa mẹ ọyịzaa yị aza ẹnẹ ẹ̀ yị ma mẹ̀ ịsa odivi.

³Àsị u zẹẹ nịnị ka anẹkụra ọsa ana raà sị ẹngụ anị va yị Ẹnẹyịmavara ọ̀ kà a ka, Ẹnẹyịmavara ẹ yị vaa zẹẹ ka ẹmịrị aza anị è dudu hẹkẹ ọnị. Àsị u zẹẹ nịnị ka osuretu ọ̀ kà a ka ọchị ọyịwụ̀ ọnị vị nị. Ọnị ọ yị ma ozi, ọnị ẹ yị ọdọmịrẹsụ.”

⁴Ẹnẹyịmavara kà, “Osuretu ana àa sị ụbanyị yị mị, dị aa saasa ọda ẹkụhị ụhwọtụ nị ọ̀ọ mẹ̀ ịsa ene hine mi, di ọ̀ sị ịzẹyịza jẹẹ tụ ịnị oto ọnị wo yị ọ.

⁵A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

⁶Ẹnẹyịmavara ộ kà a yị anẹkụra ọsa ẹnẹẹ ana raà sị ẹngụ ẹnịnị va yị ọnị, di e sì ịrẹyị anị, dị ẹ rẹ yaa mẹ ụkọrọọ yọ; aza anaa saasa ọda ẹkụhị ụhwọtụ, dị ẹ sị ịzẹyịza jẹẹ tụ ịnị oto ọnị ọnị wo yị wa:

⁷Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

⁸Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

⁹Ẹnẹyịmavara ộ kà a yị ẹnị anẹkụra ọsa ka, ẹnịnị ẹ̀ vẹ anka uye odivi avọọ, dị ẹ̀ va wụ̀ aza anị va ha.

¹⁰Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.

¹¹Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

¹²Ẹnịnị vị ohweche. Ẹ̀ẹ sị ẹngụ hị́ dị ẹ ka, ‘Vẹ, vị ya na hị́ eche nịnị; vẹ ye hú ọpa eche ọnị yèe zụ hú nịnị, ụhwọọ o vee zozaa hu ajịnị nị.’ ”