Read ebira Ihoseya 3 Bible Online

Ihoseya 3 - ebira bible

Ihoseya 3

¹Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

²Ọnị o si ụta anị isiriva ẹwụrẹhị ne beri ibaari ikirogirami ẹchẹhị tụra ẹvarẹwụ.

³Dị Ihoseya kà booro aanị Igoma ọ sị vị ose anị, asị ọ kụkụ sẹ̀ ịrẹka. Asị ọ na ịda ọnọrụ ọsa. Ịnị avaba ụmẹ ọnị ọ sị ee zi ọnị ọnịrị ọ ẹ yị vaa sụ̀.

⁴Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

⁵Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.