Read efik GENESIS 25 Bible Online

GENESIS 25 - efik bible

GENESIS 25

¹EKEM Abraham ɔdɔ ŋwan efen, emi enyiŋ esie ekerede Keturah.

²Ndien enye aman Zimran, ye Jokshan, ye Medan, ye Midian, ye Ishbak, ye Shuah ɔnɔ enye.

³Ndien Jokshan obon Sheba ye Dedan. Nditɔ dedan enyuŋ edi mme Asshurim, ye mme Letushim, ye mme Leummim.

⁴Nditɔ Midian enyuŋ edi Ephah, ye Epher, ye Hanoch, ye Abida, ye Eldaah. Kpukpru mme mmɔ emi edi nditɔ Keturah.

⁵Ndien Abraham ada kpukpru se enye enyenede ɔnɔ Isaac.

⁶Abraham onyuŋ ada enɔ ɔnɔ nditɔ iban esa oro Abraham enyenede, onyuŋ anam mmɔ edaha ekpɔŋ Isaac eyen esie, ke ini enye odude uwem kaŋa, ete eka ke idut ke edem emi utin asiahade.

⁷Ndien ini uwem Abraham emi enye odude, edi isua ikie ye ata ye efut.

⁸Ndien Abraham ɔsuhɔre onyuŋ akpa ke ata usɔŋ, akani, onyuŋ ɔyuhɔ, ndien enye obono ye oruk esie.

⁹Ndien nditɔ-iren esie Isaac ye Ishmael ebuk enye ke aba itiat Machpelah, ke iŋwaŋ Ephron eyen Zohar eyen Heth,

¹⁰emi odude ke iso Mamre; iŋwaŋ oro Abraham ekedepde ye nditɔ Heth: do ke Abraham ye Sarah

¹¹aŋwan esie ekebuhɔ. Edikem ke Abraham ama akakpa, Abasi ɔdiɔŋ Isaac eyen esie: Isaac onyuŋ oduŋ ke edem idim mmɔŋ uwem erikut.

¹²Ndien mme mmɔ emi edi emana Ishmael, eyen Abraham emi Hagar ŋwan Egypt, ofin aŋwan Sarah, akamande ɔnɔ

¹³Abraham. Mme mmɔ emi enyuŋ edi enyiŋ nditɔ Ishmael, nte enyiŋ mmɔ, ye emana mmɔ esaŋade: akpan Ishmael, Ne-baioth; ye Kedar, ye Adbeel,

¹⁴ye Mibsam, ye Mishma, ye

¹⁵Dumah, ye Massa, ye Hadad, ye Tema, ye Jetur, Naphish, ye

¹⁶Kedemah. Mme mmɔ emi edi nditɔ Ishmael, mme mmɔ emi enyuŋ edi enyiŋ mmɔ, ke obio mmɔ, ye ke nna mmɔ; mbɔŋ

¹⁷duopeba ke esien mmɔ, Mme mmɔ emi enyuŋ edi isua uwem Ishmael, isua ikie ye edip ke efureba: ndien enye ɔsuhɔre akpa, onyuŋ obono ye oruk esie.

¹⁸Mmɔ enyuŋ eduŋ etɔŋɔ ye Havilah tutu esim Shur, emi odude ke iso Egypt, nte owo akade ke Assyria: enye onyuŋ oduŋ ke iso kpukpru nditɔ-ete esie.

¹⁹Ndien ŋko mme mmɔ emi edi emana Isaac eyen Abraham:

²⁰Abraham obon Isaac. Isaac onyuŋ osim isua aba ke ini enye ɔdɔde Rebekah, eyen Bethuel, eyen Aram, emi otode ke Paddan-aram, eyen-eka Laban eyen Aram.

²¹Ndien Isaac ekpe Jehovah ubɔk ɔnɔ Rebekah ŋwan esie, koro enye edide ada: ndien Jehovah onyime mkpe ubɔk esie, ndien Rebekah

²²ŋwan esie oyomo. Ndien nditɔ esie eŋwana ke idibi esie, ndien enye ɔdɔhɔ ete, Ama ɔfɔn, ami nnam didie ntie ntem? Ndien

²³enye aka okobup Jehovah. Ndien Jehovah ɔdɔhɔ enye ete, Idut iba edu fi ke idibi, mbio iba eyenyuŋ edianare ke nsia fo; ndien idut kiet eyesɔŋ akan idut eken; ebiowo eyenyuŋ etie nte ofin eyenɔwɔŋ.

²⁴Edikem, ke ini uman esie, ndien, sese, nditɔ iba edu enye ke idibi.

²⁵Ndien akpan ɔwɔrɔ ofuri idem esie ididuot, nte idet-idet ɔfɔŋ-idem; ndien esio enye

²⁶enyiŋ Esau. Ndien eyen-eka esie ɔwɔrɔ ŋko, ubɔk esie onyuŋ omum Esau nditiŋ-ikpat; ndien esio enye enyiŋ Jacob: ndien Isaac osim isua ata, ke ini enye amande mmɔ.

²⁷Ekem, nditɔ oro edikponi: ndien Esau edi owo eke ɔfiɔkde utop, owo ikɔt; edi Jacob edi suŋ

²⁸suŋ owo, etie ke tent. Ndien Isaac ama Esau, koro se Esau otopde odude enye ke inua, edi Rebekah ama Jacob.

²⁹Ekem, Jacob etem udia: ndien Esau oto ke ikɔt edi, akpa mba.

³⁰Ndien Esau ɔdɔhɔ Jacob, ete, Mbɔk, nɔ mi ididuot udia emi ndia, koro mmakpa mba: mmɔdo

³¹enyiŋ esie ekerede Edom. Ndien Jacob ete, Men itie-akpan fo

³²nyam nɔ mi mfin emi. Ndien, Esau ete, Sese ami, mmɔŋ ndikpa: itie-akpan emi ɔfɔn mi

³³ndien ke nso? Ndien Jacob ɔdɔhɔ, ete, Ŋwɔŋɔ nɔ mi mfin emi, ndien enye ɔŋwɔŋɔ ɔnɔ enye: onyuŋ anyam itie-akpan

³⁴esie ɔnɔ Jacob. Ndien Jacob ɔnɔ Esau uyo ye udia ɔkɔti, ndien enye adia onyuŋ ɔŋwɔŋ, ndien adaha ɔnyɔŋ. Ntem ke Esau esin itie-akpan esie ke ndek.