Read efik GENESIS 26 Bible Online

GENESIS 26 - efik bible

GENESIS 26

¹NDIEN akaŋ odu ke idut oro, adiana ye mbemiso akaŋ oro okodude ke ini Abraham. Ndien Isaac aka eketiene Abimelech ɔbɔŋ mme Philistine ke Gerar.

²Ndien Jehovah owut enye idem, onyuŋ ɔdɔhɔ ete, Kusuhɔre ke Egypt; duŋ ke idut emi ndidɔhɔde fi.

³Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

⁴nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

⁵ke ubon fo; ke usiene emi Abraham okokopde uyo mi, onyuŋ onimde ido mi, ye mbet mi, ye ewuhɔ mi, ye item mi.

⁶Ndien Isaac oduŋ ke Gerar.

⁷Ndien nditɔ ebiet oro edibup enye abaŋa ŋwan esie; ndien enye ɔdɔhɔ, ete, Enye edi eyen-ete imɔ aŋwan: koro enye efehede ndidɔhɔ ete, Ŋwan imɔ; ete, mbak nditɔ ebiet oro ediwot imɔ ebaŋa Rebekah; koro enye

⁸eyede ndise. Edikem ke enye ebigide do tutu, Abimelech ɔbɔŋ mme Philistine etie ke window, ese, ndien, sese, enye okut nte Isaac ebrede mbre ye Rebekah

⁹ŋwan esie. Ndien Abimelech okot Isaac, ete, Sese, ŋkɔm ŋwan fo edi oro: ndien afo anam didie ɔdɔhɔ, ete, Ke enye edi eyen-usɔ? Ndien Isaac ɔdɔhɔ ete, Koro ndɔhɔde, nte Mbak ndikpa

¹⁰mbaŋa enye. Ndien Abimelech ete, Nso ke afo anam ntre ye nnyin? ayak esit owo kiet okpokot ŋwan fo, ndien afo ekpenam

¹¹nnyin idue isop. Ndien Abimelech owuk kpukpru owo, ete Owo eke otukde owo emi mme ŋwan esie, eyekpa.

¹²Ekem Isaac awari mkpasip ke isɔŋ oro, ndien ke isua oro enye okut ikikie; Jehovah onyuŋ ɔdiɔŋ enye.

¹³Ndien owo oro okpon, onyuŋ ɔdɔdiɔŋ okpon, tutu enye

¹⁴okpon akan. Enye onyuŋ enyene erɔŋ, onyuŋ enyene enaŋ, ye eriwak ikɔt: ndien mme Philistine

¹⁵enam ufup ye enye. Ndien ama edi kpukpru obube mmɔŋ oro ikɔt ete esie eketibide ke eyo Abraham ete esie, mme Philistine esiri mmɔ, enyuŋ eda ntan esin

¹⁶mmɔ ke esit. Ndien Abimelech ete Isaac, Daha kpɔŋ nnyin; koro afo ɔsɔŋde akan nnyin eti eti.

¹⁷Ndien Isaac adaha do ɔnyɔŋ, aka akanam nna esie ke itihere

¹⁸Gerar, onyuŋ oduŋ do. Ndien Isaac ɔtɔŋɔ ntak etibi obube mmɔŋ oro eketibide ke eyo Abraham ete esie; emi mme Philistine ekesiride ke Abraham ama akakpa: ndien enye osio mmɔ enyiŋ kpasuk nte ete esie

¹⁹okosiode mmɔ enyiŋ. Ekem, ikɔt Isaac etibi isɔŋ ke itihere oro, enyuŋ ekut obube mmɔŋ emi

²⁰enyenede enyin idim. Ndien mme ekpeme ufene Gerar eŋwana eŋwan ye mme ekpeme ufene Isaac, ete, Mmɔŋ oro edi eke nnyin: ndien enye osio obube mmɔŋ oro enyiŋ Esek (Eŋwan); koro mmɔ eŋwanade ye enye.

²¹Ndien mmɔ etibi obube mmɔŋ efen, enyuŋ eŋwana eŋwan ebaŋa enye ŋko: ndien enye osio enye

²²enyiŋ Sitnah (Utɔk). Ndien enye adaha do, onyuŋ otibi obube mmɔŋ eŋwen; ndien mmɔ iŋwanake eŋwan ke esit: ndien enye osio enye enyiŋ Rehoboth; onyuŋ ɔdɔhɔ ete, Ke emi ke Jehovah ɔnɔ nnyin ufaŋ, nnyin iyenyuŋ itɔt ke idut emi.

²³Ndien enye adaha do ɔdɔk ke Beer-sheba.

²⁴Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

²⁵Ndien enye anam itie-uwa do, onyuŋ okot Jehovah ke enyiŋ, onyuŋ owuk tent esie do: ndien ikɔt Isaac etibi obube mmɔŋ do.

²⁶Ndien Abimelech oto ke Gerar, ye Ahuzzath, ufan esie kiet, ye Phicol etubom mbon ekɔŋ esie,

²⁷etiene enye. Ndien Isaac ɔdɔhɔ mmɔ, ete, Nsinam mbufo etienede mi, sia mbufo ekesua mi, enyuŋ ebin mi ke ɔtɔ mbufo efep?

²⁸Ndien mmɔ ete, Nnyin ikokut ite ke Jehovah odu ye afo: inyuŋ idɔhɔ, ite, Yak uŋwɔŋɔ odu ke otu nnyin, mbɔk, ye nnyin ye afo, yak nnyin inyuŋ inam

²⁹ediomi ye afo; ite ke afo udunamke nnyin idiɔk-ŋkpɔ, kpasuk nte emi nnyin mikotukke fi, kpasuk nte nnyin mikonyuŋ inamke fi ibɔhɔke mfɔn, inyuŋ iyak fi ɔnyɔŋ ke emem: ndien afo edi owo emi Jehovah osuk

³⁰ɔdiɔŋde. Ndien enye etem udia ɔnɔ mmɔ, ndien mmɔ edia, enyuŋ

³¹eŋwɔŋ. Ekem, mmɔ ebak ke usenubɔk edaha, enyuŋ eŋwɔŋɔ kiet ye kiet: ndien Isaac ada mmɔ akayak, ndien mmɔ ekpɔŋ

³²enye ke emem. Edikem ke usen oro, ikɔt Isaac emen ikɔ obube mmɔŋ oro mmɔ eketibide edi editiŋ enɔ enye, enyuŋ edɔhɔ enye ete, Nnyin imokut mmɔŋ

³³Ndien enye osio enye enyiŋ Sheba: mmɔdo enyiŋ obio oro ekerede Beer-sheba tutu osim mfin emi.

³⁴Ndien Esau osim isua aba ke ini enye ɔdɔde Judith, eyen Beeri eyen Heth, ye Basemath

³⁵eyen Elon eyen Heth; ndien mmɔ edi se iyatde Isaac ye Rebekah esit.