Read efik GENESIS 27 Bible Online

GENESIS 27 - efik bible

GENESIS 27

¹EDIKEM, ke ini Isaac ama ɔkɔsɔŋ, enyin ama okonyuŋ okim enye akan nte okutde, enye okot Esau akpan esie, ete enye, Eyen mi.

²Ndien enye ete, Se ami mi. Ndien enye ɔdɔhɔ ete, Se, mbɔk, mmɔsɔŋ, mfiɔkke usen mkpa mi.

³Nam, ndien, mbɔk, men ŋkpɔ, utop fo, odib-idaŋ fo ye utiga fo, nyuŋ wɔrɔ ka ke ikɔt kotop unam nɔ mi;

⁴nyuŋ tem edinem udia eke mmade nnɔ mi, nyuŋ da di sɔk mi nta; man ukpɔŋ mi ɔdiɔŋ fi

⁵ke mmeŋkankpaha kaŋa. Ndien Rebekah okop ke adaŋemi Isaac ɔdɔhɔde ye Esau eyen esie. Ekem Esau aka ke ikɔt nditop unam, nda ndi.

⁶Ndien Rebekah ɔdɔhɔ Jacob eyen esie, ete, Sese mmokop nte usɔ ɔdɔhɔde Esau eyen-uka,

⁷ete, Da unam utop di sɔk mi nyuŋ tem edinem udia nɔ mi, man nta nnyuŋ ndiɔŋ fi ke iso Jehovah ke mmeŋkaŋkpaha kaŋa.

⁸Nam ndien eyen mi, kop uyo mi, kpasuk nte ami ntemede fi.

⁹Mbɔk, ka ke ebiet ufene, kada nti nditɔ ebot iba do sɔk mi; ndien nyeda mmɔ nnam edinem udia nnɔ usɔ, eke enye amade.

¹⁰Ndien afo emen ɔnɔ usɔ ata, man enye ɔdiɔŋ fi ke mikaikpaha kaŋa.

¹¹Ndien Jacob ɔdɔhɔ Rebekah eka esie ete, Sese Esau eyen-eka mi edi idet-idet owo,

¹²edi ami ndi ɔfiɔn owo: ndusuk ete mi eyefiɔŋɔ mi idem, ndien nyetie nte owo abiaŋa ke enyin esie; ndien nyeda isuŋi nnɔ

¹³idem mi, ndaha eridiɔŋ. Ndien eka esie ɔdɔhɔ enye ete, Yak isuŋi fo odu ye ami, eyen mi; edi kop uyo mi, nyuŋ ka kada

¹⁴mmɔ sɔk mi. Ndien enye aka akada mmɔ, edisɔk eka esie: ndien eka esie etem edinem udia

¹⁵eke ete esie amade. Ndien Rebekah osio ata eti edisine ŋkpɔ Esau akpan esie, emi odude ye enye ke ufɔk, ada esine Jacob udɔ esie idem;

¹⁶ndien enye ada ikpa nditɔ ebot oro esine enye ke ubɔk, ye ke ɔfiɔn itɔŋ esie.

¹⁷Ndien enye ada edinem udia oro ye uyo, emi enye akanamde, esin Jacob eyen esie ke ubɔk.

¹⁸Ndien enye aka ke ɔtɔ ete esie, ɔkɔdɔhɔ, ete, Ete mi.

¹⁹Ndien enye ete, Se ami mi; afo edi anie eyen mi? Ndien Jacob ete ete esie, Ami ndi Esau akpan fo; mmanam kpasuk nte afo ɔkɔdɔhɔde mi: daha ke enyɔŋ, mbɔk, tie tie, da unam utop mi ta, man ukpɔŋ fo ɔdiɔŋ mi.

²⁰Ndien Isaac ɔdɔhɔ eyen esie, ete, Anam didie afo awara okut ntem eyen mi? Ndien enye ete, Koro Jehovah Abasi fo

²¹adade enye ɔsɔk mi. Ndien Isaac ɔdɔhɔ Jacob, ete, Mbɔk, saŋa kpere, mfiɔŋɔ fi, eyen mi, mme afo edi eyen mi Esau, mme udige.

²²Ndien Jacob asaŋa ekpere Isaac ete esie, ndien ete ɔfiɔŋɔ enye, onyuŋ ɔdɔhɔ, ete, Uyo emi edi uyo Jacob, edi ubɔk edi ubɔk

²³Esau. Edi enye idiɔŋɔke enye, koro ubɔk esie etiede idet-idet, nte ubɔk Esau eyen-eka esie;

²⁴ndien ɔdiɔŋ enye. Ndien enye obup ete, Nte afo emi edi eyen

²⁵mi Esau? Ndien enye ete, Edi ami. Ndien enye ete, Men sɔk mi, ndien nyeta unam emi eyen mi otopde, kpaŋ ukpɔŋ mi ɔdiɔŋ fi. Ndien Jacob emen ɔsɔk enye, enye onyuŋ ada ata: Jacob onyuŋ ada wine ɔsɔk enye, ndien enye

²⁶ɔŋwɔŋ. Ndien Isaac ete esie ɔdɔhɔ enye, ete, Mbɔk, saŋa kpere nyuŋ tim mi inua, eyen mi.

²⁷Ndien enye asaŋa ekpere, eketim enye inua: ndien enye okop utebe edisine-ŋkpɔ esie onyuŋ ɔdiɔŋ enye ŋko, ete, Sese, utebe eyen mi etie nte utebe isɔŋ eke

²⁸Jehovah ɔdiɔŋde: Abasi eyenyuŋ ɔnɔ mbara eke otode ke enyɔŋ, ye isek isɔŋ, ye ekese ibokpot ye

²⁹wine: mme idut eyenam ŋkpɔ enɔ fi, obio eyenyuŋ atuak ibuot enɔ fi: eyediɔk ye mmɔ eke ediɔkde ye afo, eyenyuŋ ɔfɔn ye mmɔ eke efɔnde ye afo.

³⁰Edikem ke adaŋoro Isaac ama eketre ndidiɔŋ Jacob, ke idem idahoro Jacob ɔwɔrɔde ɔkpɔŋ iso Isaac ete esie, Esau eyen-eka esie

³¹oto utop esie edi. Enye ama onyuŋ etem edinem udia ŋko, onyuŋ emen ɔsɔk ete esie, ete ete esie, Yak ete mi adaha ke enyɔŋ, adia se eyen fo otopde, kpaŋ

³²ukpɔŋ fo ɔkpɔdiɔŋ mi. Ndien Isaac ete esie ete enye. Afo edi anie? Ndien enye ete, Ami ndi

³³eyen fo, akpan fo Esau. Ndien idem enyek Isaac akamba erinyek eti-eti, enye onyuŋ ɔdɔhɔ, ete, Edi anie, ndien, okotop unam, ada ɔsɔk mi, mma nnyuŋ nta kpukpru ke afo muka udige kaŋa, mma nnyuŋ ndiɔŋ enye? kakpan ke

³⁴eyediɔŋ enye. Ke adaŋemi Esau okopde uyo ete esie, enye atua ata ɔkpɔsɔŋ eyet eti-eti, onyuŋ ɔdɔhɔ ete esie, ete, Diɔŋ mi nde, mbɔk,

³⁵ete mi. Ndien enye ɔdɔhɔ ete, Eyen-uka akada ŋkari edi edibɔ se

³⁶edade ediɔŋ fi. Ndien enye ɔdɔhɔ ete, Nkɔm etim esio enye enyiŋ Jacob (Andituk), koro enye ama otuk mi utim ikaba emi: ama ɔbɔ mi itie akpan mi, ndien, sese, ke emi, ɔmɔbɔ se edade ediɔŋ mi. Ndien enye ete, Nte afo unimke

³⁷se edade ediɔŋ mi? Ndien Isaac ɔbɔro Esau ete, Sese, mmanam enye edi ɔbɔŋ fo, mma nnyuŋ nnɔ enye kpukpru nditɔ-eka esie ke ifin, mmonyuŋ mfɔn ubɔk nnɔ enye ibokpot ye wine: nso ndien ke ndinam nnɔ fi eyen mi?

³⁸Ndien Esau ɔdɔhɔ ete esie, Nte afo enyene suk eridiɔŋ kierakiet, ete mi? diɔŋ mi nde, mbɔk, ete, mi. Ndien Esau emen uyo esie atua

³⁹eyet. Ndien Isaac ete esie ɔbɔrɔ enye, ete, Sese ebiet iduŋ fo eyekpɔŋ isek isɔŋ, ye mbara enyɔŋ;

⁴⁰ndien afo eyeda ofut fo odu uwem, onyuŋ edi ofin eyen-usɔ; ndien ama ekem, ke adaŋemi afo akande, afo eyebuŋ ɔkpɔnɔ esie ke itɔŋ fo efep.

⁴¹Ndien Esau asua Jacob, abaŋa eridiɔŋ oro ete esie ɔkɔdiɔŋde enye: Esau onyuŋ ɔdɔhɔ ke esit esie ete, Ini eritua ete mi ekpere: ndien nyewot Jacob eyen-eka mi.

⁴²Ekem, emen uyo akpan eyen esie eketiŋ enɔ Rebekah. Ndien enye ɔdɔŋ ekekot Jacob udɔ esie, ete enye, Sese, Esau eyen-uka kɔdɔŋ idem esie esit ete iyewot fi.

⁴³Kop uyo mi, ndien, eyen mi: nyuŋ daha ke enyɔŋ, fehe ka ketiene Laban eyen-eka mi ke

⁴⁴Haran; nyuŋ daŋ ye enye ndusuk usen, tutu iyaresit eyen-uka

⁴⁵akabare; tutu ifiopesit eyen-uka akabare ɔkpɔŋ fi, enye onyuŋ efre se afo akanamde ye enye: ndien nyedɔŋ ekeda fi ko enyɔŋ edi; ke didie ke idibɔ mi idem

⁴⁶mbufo mbiba ke usen kiet? Ndien Rebekah ɔdɔhɔ Isaac, ete, Nditɔ iban Heth esin uwem efek mi; edieke Jacob ɔdɔde ŋwan ke otu nditɔ-iban Heth, nte mmɔ emi ke otu iban isɔŋ emi, uwem mi ɔfɔn ke nso?