Read efik GENESIS 30 Bible Online

GENESIS 30 - efik bible

GENESIS 30

¹EKEM adaŋemi Rachel okutde ete ke imɔ imanke eyen inɔ Jacob, Rachel ofibe ufip ye eyen-eka esie; onyuŋ ɔdɔhɔ Jacob ete, Nɔ mi nditɔ, midige

²nyekpa. Ndien Jacob ayat esit ye Rachel: enye onyuŋ ɔdɔhɔ ete, Nte ami ntie ke ibuot Abasi, emi

³esinde fi nsen idibi? Ndien Rachel ɔdɔhɔ ete, Se Bilhah ofin aŋwan, dɔ enye; enye eyenyuŋ aman ke edɔŋ mi, ndien ami ŋko nyekut nditɔ eke etode enye ke idem.

⁴Ndien Rachel ɔnɔ enye Bilhah owo esie ɔdɔ; ndien Jacob etiene enye.

⁵Ndien Bilhah oyomo, onyuŋ

⁶aman eyen-eren ɔnɔ Jacob. Ndien Rachel ete, Abasi ama ekpe ikpe mi, ama onyuŋ okop uyo mi, onyuŋ ɔnɔ mi eyen-eren: mmɔdo

⁷osiode enye enyiŋ Dan. Ndien Bilhah, owo Rachel, ɔtɔŋɔ ntak oyomo, onyuŋ aman eyen-eren

⁸eŋwen ɔnɔ Jacob. Ndien Rachel ɔdɔhɔ ete, Mmaŋwana ata akwa eŋwan ye eyen-eka mi, mma nnyuŋ ŋkan: ndien osio enye

⁹enyiŋ Naphtali. Ekem adaŋemi Leah okutde ete ke imɔ imetre uman, enye ada Zilpah ofin aŋwan

¹⁰esie, ɔnɔ Jacob ɔdɔ. Ndien Zilpah owo Leah, aman eyen-eren ɔnɔ

¹¹Jacob. Ndien Leah, ɔdɔhɔ ete, Udim ke edi: ndien osio enye

¹²enyiŋ Gad. Ndien Zilpah, owo Leah, aman eyen efen ɔnɔ Jacob.

¹³Ndien Leah ete, Iso ɔfɔn mi, koro iban eyedɔhɔ ete Iso ɔfɔn mi: ndien enye osio enye enyiŋ Asher.

¹⁴Edikem, ke ini ukpeŋe ibokpot, Reuben aka okokut mfri eto-ima ke iŋwaŋ, ada mmɔ ɔsɔk Leah eka esie. Ndien Rachel ɔdɔhɔ Leah, ete, Mbɔk, nɔ mi mfri eto-ima

¹⁵eyen fo esit. Ndien Leah ɔbɔrɔ enye, ete, Nte eribɔ emi afo ɔbɔde mi ebe mi edi ekpri? ɔmɔŋɔ ɔbɔ mi mfri eto-ima eyen mi ŋko? Ndien Rachel ɔdɔhɔ ete, Mmɔdo enye eyedaŋ ye afo ke okoneyo emi ke esit mfri eto-ima eyen fo.

¹⁶Edikem, Jacob oto ke iŋwaŋ edi ke mbubreyo, ndien Leah ɔwɔrɔ edisobo ye enye, ndien ɔdɔhɔ ete, Duk tiene mi; koro mmedep fi ke mfri eto-ima eyen mi. Ndien enye adaŋ ye Leah ke okoneyo

¹⁷oro. Abasi onyuŋ okop uyo Leah, ndien enye oyomo, onyuŋ aman eyen-eren ɔyɔhɔ ition ɔnɔ Jacob.

¹⁸Ndien Leah ɔdɔhɔ ete, Abasi ɔmɔnɔ mi utip mi, koro ŋkɔnɔde ebe mi ofin aŋwan mi: ndien enye

¹⁹osio enye enyiŋ Issachar. Ndien Leah ɔtɔŋɔ ntak oyomo onyuŋ aman eyen-eren ɔyɔhɔ itiokiet ɔnɔ Jacob.

²⁰Leah onyuŋ ɔdɔhɔ ete, Abasi ɔmɔnɔ mi eti enɔ; ke emi, ebe mi eyeduŋ ye ami, koro mmaman nditɔ-iren itiokiet nnɔ enye: ndien osio enye enyiŋ Zebulun.

²¹Amana, enye aman eyen-aŋwan, onyuŋ osio enye enyiŋ Dinah.

²²Edikem, Abasi eti Rachel, Abasi onyuŋ okop uyo esie, onyuŋ

²³esirere enye idibi. Ndien enye oyomo, onyuŋ aman eyen-eren: ndien enye ɔdɔhɔ ete, Abasi ama

²⁴odorode mi but; enye onyuŋ osio enye enyiŋ Joseph: ete, Jehovah eyedian eyen-eren eŋwen ɔnɔ mi.

²⁵Edikem, ke adaŋoro Rachel ama akaman Joseph, Jacob ɔdɔhɔ Laban, ete, Yak mi nnyɔŋ ke ebiet

²⁶mi, ye edem mi. Nɔ mi iban mi ye nditɔ mi, emi mma ŋkanam utom nnɔ fi ke esit, nda nnyɔŋ: koro afo ɔmɔfiɔk utom emi mma

²⁷ŋkanam nnɔ fi. Ndien Laban ɔdɔhɔ enye, ete, Mbɔk, edieke afo amade mi, (tie): mmokut nte Jehovah

²⁸ɔdiɔŋde mi abaŋa fi. Enye onyuŋ ɔdɔhɔ ete, Siak utip fo nɔ

²⁹mi, ke nyenɔ fi. Ndien Jacob ɔdɔhɔ enye ete, Afo ɔmɔfiɔk nte ŋkanamde utom nnɔ fi, nte ufene

³⁰fo onyuŋ odude ye ami. Ŋkɔm, se idide okuo ekekpri ke mmeŋkedige kaŋa, ndien amasiaha ediwak; Jehovah omonyuŋ ɔdiɔŋ fi ke ikpat isaŋ mi: ndien ke ini ewe ke ami ndinam naŋa eke ufɔk mi

³¹nde? Ndien enye ete, Ndinɔ fi nso? Ndien Jacob ete, Udunɔhɔ mi ŋkpɔ ndomo kiet. Amakam anam emi ɔnɔ mi, nyetɔŋɔ ntak mbɔk ufene fo nnyuŋ ŋkpeme.

³²Nyebe ke otu kpukpru ufene fo mfin emi, ndianare kpukpru ntɔi-ntɔi ye kpukpru ŋkem-ŋkem, ye kpukpru obubit ke otu erɔŋ, ye ŋkem-ŋkem ye ntɔi-ntɔi ke otu

³³ebot: utip mi edina ntem. Ndien eti ido eyebɔrɔ abaŋa mi ke ini iso, ke adaŋemi afo edidide ndise utip mi ke iso fo: kpukpru eke midige ntɔi-ntɔi ye ŋkem-ŋkem ke otu ebot mi, ye obubit ke otu erɔŋ

³⁴mi, edi ŋkpɔ inɔ ye ami. Ndien Laban ɔdɔhɔ ete, Ntre, yak edi ke

³⁵ikɔ fo. Ndien ke usen oro enye adianare ekpaŋ-ekpaŋ ye ŋkem-ŋkem okpo ebot, ye kpukpru ntɔi-ntɔi ye ŋkem-ŋkem uman ebot, kpukpru eke afia odude ke esit, ye kpukpru obubit ke otu erɔŋ, ada esin nditɔ-iren esiemɔ ke ubɔk.

³⁶Ndien enye esin usuŋ usen ita ke ufɔt Jacob ye enye: ndien Jacob ɔbɔk ufene Laban eke esukde.

³⁷Ekem, Jacob ada ŋkpri nsek eto poplar, ye hazel, ye chestnut, onyuŋ ayaŋade ikpɔk mmɔ anam

³⁸afia ɔwɔrɔ ke ŋkpri eto oro. Ndien enye ada ŋkpri eto oro enye akayaŋade ntem, esin ke udiɔŋ-mmɔŋ ke akwa-uŋwɔŋ-mmɔŋ emi ufene edide ndiŋwɔŋ do, ke iso ufene; man eyomo ke ini edide

³⁹ndiŋwɔŋ. Ndien ufene eyomo ke ɔtɔ ŋkpri eto oro, ufene enyuŋ eman ekpaŋ-ekpaŋ ye ntɔi-ntɔi,

⁴⁰ye ŋkem-ŋkem. Ndien Jacob abahare nditɔ mmɔ, onyuŋ ɔnɔ iso ufene ese ekpaŋ-ekpaŋ, ye kpukpru obubit ke ufene Laban: onyuŋ onim mme udim esiemɔ ke ebiet efen, inimke mmɔ ye ufene

⁴¹Laban. Edikem ke adaŋemi mkpɔsɔŋ ufene eyomode, Jacob onim ŋkpri eto oro ke iso ufene ke udiɔŋ-mmɔŋ, man eyomo ke otu

⁴²ŋkpri eto oro. Ndien ke adaŋemi ufene eferede, enye inimke: ndien mfefere edi eke Laban edi

⁴³mkpɔsɔŋ eke Jacob. Ntem ke owo oro oforo eti-eti, onyuŋ enyene ediwak ufene, ye ifin iban, ye ifin iren, ye camel, ye ass.