Read efik GENESIS 33 Bible Online

GENESIS 33 - efik bible

GENESIS 33

¹EKEM, Jacob emenere enyin esie, okut, ndien, sese, Esau ke edi, owo ikie inaŋ enyuŋ esaŋa ye enye. Ndien enye abahare nditɔ ɔnɔ Leah, ye Rachel,

²ye ifin iban iba oro, Enye onyuŋ onim ifin iban ye nditɔ mmɔ ke mbemiso, onyuŋ esin Leah ye nditɔ esie ke ufɔt, ndien onim Rachel ye Joseph ke ukpere-edem.

³Ndien enye ebem mmɔ iso ɔkɔnuhɔ ke isɔŋ utim ikatiaba, tutu

⁴osim eyen-eka esie. Ndien Esau efehe edisobo ye enye, afat enye, onyuŋ awaŋa enye ke itɔŋ, onyuŋ otim enye inua: mmɔ enyuŋ

⁵etua eyet. Ndien enye emenere enyiŋ esie, okut iban oro ye nditɔ; onyuŋ ɔdɔhɔ ete, Mme anie edi mme mmɔ emi ye afo? Ndien Jacob ete, Nditɔ emi Abasi ɔkɔnɔde

⁶owo fo ke ufɔn. Ndien ifin iban esaŋa ekpere ye nditɔ mmɔ,

⁷edinuhɔ. Leah onyuŋ asaŋa ekpere ŋko ye nditɔ esie, mmɔ enyuŋ enuhɔ: ndien Joseph asaŋa ye Rachel ekpere, mmɔ

⁸enyuŋ enuhɔ. Ndien enye ɔdɔhɔ ete, Nso oruk ofuri udim edi oro ŋkosobode ye mmɔ? Ndien enye ete, Man ŋkut mfɔn ke enyin ɔbɔŋ mi.

⁹Ndien Esau ete, Eyen-eka mi, mmenyene ediwak; yak okuo

¹⁰edi okuo. Edi Jacob ete, Ih ih, mbɔk, edieke iso fo enende ye ami, mbɔk, bɔ enɔ emi ke ubɔk mi: koro mmokut iso fo, nte emi ekutde iso Abasi, mmonyuŋ nnem fi.

¹¹Mbɔk, bɔ enɔ mi oro edade esɔk fi: koro Abasi ama ɔfɔn ye ami, koro ami nnyuŋ nnyenede kpukpru. Enye onyuŋ eyire Esau,

¹²ndien enye ɔbɔ. Ndien Esau ɔdɔhɔ ete, Yak nnyin inyɔŋ, itibi isaŋ ika, nyenyuŋ mbem fi iso ŋka.

¹³Ndien enye ete, Ɔbɔŋ mi ɔmɔfiɔk ete ke nditɔ oro edi nsek, erɔŋ ye enaŋ eke eyomode, enyuŋ edu ye ami: ekpesɔŋɔ ebin mmɔ baba usen kiet, kpukpru ufene ekpekpaŋa.

¹⁴Mbɔk, yak ɔbɔŋ mi ebem owo esie iso aka: ami nyenyuŋ ŋka iso suŋ-suŋ, nte ufene emi ebemde mi iso, ye nditɔ ekemede ndisaŋa, tutu ndisim ɔbɔŋ mi ke

¹⁵Seir. Ndien Esau ete, Mbɔk, yak nsio ndien owo ke otu mmɔ emi edude ye ami, ŋkpɔŋ ye afo. Ndien enye ete, Ke nso ke ɔbɔŋ mi enen iso ye ami ntem?

¹⁶Ndien Esau ɔnyɔŋ ke usen oro

¹⁷aka usuŋ Seir. Jacob onyuŋ asaŋa aka Succoth, ɔkɔbɔp ufɔk ɔnɔ idem esie, onyuŋ anam efe ɔnɔ ufene esie: mmɔdo enyiŋ ebiet oro ekerede Succoth (Efe)

¹⁸Ndien Jacob ediwɔrɔ ke ifure ke obio Shechem, emi odude ke isɔŋ Canaan, ke ini enye otode ke Paddan-aram; onyuŋ anam nna

¹⁹esie ke iso obio oro. Ekem, enye edidep iŋwaŋ oro enye owukde tent esie ke esit, ke ubɔk nditɔ Hamor, ete Shechem, ke mbak

²⁰silver ikie. Enye onyuŋ anam itie-uwa do, onyuŋ osio enye enyiŋ El-elohe-Israel.