Read efik GENESIS 34 Bible Online

GENESIS 34 - efik bible

GENESIS 34

¹EKEM, Dinah eyen Leah aŋwan, emi enye akamande ɔnɔ Jacob, ɔwɔrɔ aka ndise

²nditɔ-iban idut oro. Ndien Shechem eyen Hamor Hivite, ɔbɔŋ obio oro, okut enye, onyuŋ ada enye, ɔfiɔk enye, onyuŋ

³asabade enye. Esit esie onyuŋ adiana ye Dinah eyen Jacob, enye onyuŋ ama eyen oro, onyuŋ etiŋ

⁴ikɔ inemesit ɔnɔ eyen oro. Ndien Shechem ɔdɔhɔ Hamor, ete esie, ete, Da eyen emi nɔ mi ndɔ.

⁵Ndien Jacob okop ete ke enye ama akabiat Dinah, eyen imɔ: edi nditɔ-iren esie edu ye ufene esie ke iŋwaŋ: ndien Jacob odop uyo tutu mmɔ edi.

⁶Ndien Hamor, ete Shechem, ɔwɔrɔ aka ebiet Jacob ndidɔhɔ

⁷ye enye. Ekem, nditɔ-iren Jacob eto ke iŋwaŋ edi ke ini mmɔ ekopde: mmɔ enyuŋ efut esit, esit onyuŋ ayat mmɔ eti-eti, koro enye akanamde oburobut ŋkpɔ ke Israel, ke ɔfiɔkde eyen Jacob aŋwan; koro edide ŋkpɔ

⁸eke mikpanamke ntre. Ndien Hamor ɔdɔhɔ mmɔ, ete, esit Shechem eyen mi adadiana ye eyen mbufo aŋwan: eda enye,

⁹mbɔk, enɔ enye ɔdɔ. Mbufo enyuŋ enam ndɔ ye nnyin, enɔ nnyin nditɔ-iban mbufo enyuŋ eda nditɔ-iban nnyin ke idem mbufo.

¹⁰Mbufo eyenyuŋ eduŋ ye nnyin: ndien isɔŋ ana mbufo ke iso; eduŋ, enyuŋ enyam urua ke esit, enyuŋ enyene inyene ke esit.

¹¹Shechem onyuŋ ɔdɔhɔ ete eyen aŋwan oro ye nditɔ-ete esie ŋko, ete, Mbufo enen iso ye ami, ndien nyenɔ se mbufo edidɔhɔde mi.

¹²Mbufo esiak ŋkpɔ ndɔ, ye enɔ ediwak enɔ mi, ndien nyenɔ kpa nte mbufo edidɔhɔde mi: edi enɔ mi eyen emi ndɔ.

¹³Ndien nditɔ Jacob ebɔrɔ Shechem ye Hamor ete esie abiaŋa-abiaŋa, mmɔ enyuŋ edɔhɔ ntem, koro enye akabiatde Dinah eyen-ete mmɔ aŋwan:

¹⁴ndien mmɔ edɔhɔ mmɔ ete, Nnyin ikwe nte inamde ŋkpɔ emi, ndida eyen-ete nnyin aŋwan nnɔ owo emi edide edut; koro enye edide ŋkpɔ but

¹⁵ye nnyin: edi ntem ke idinyime inɔ mbufo: mbufo ema edi nte

¹⁶nnyin, enyuŋ enim kpukpru iren mbufo mbobi, iyenɔ ndien mbufo nditɔ-iban nnyin, inyuŋ ida nditɔ-iban mbufo ke idem nnyin, inyuŋ itie ye mbufo, inyuŋ idi oruk kiet.

¹⁷Edi ke mbufo mikopke uyo nnyin, minyuŋ inaŋa mbobi; nnyin iyeda ndien eyen nnyin inyɔŋɔ.

¹⁸Ndien ikɔ mmɔ enem Hamor, ye

¹⁹Shechem eyen Hamor. Ndien eyen oro ibigike ŋkpɔ oro ndinam, koro eyen Jacob adatde enye esit: mmɔ enyuŋ ekpono, enye ekan kpukpru ufɔk ete esie.

²⁰Ekem Hamor ye Shechem eyen esie edi ke inua-otop obio mmɔ, edidɔhɔ ye mbio-obio mmɔ, ete,

²¹Ke mbon emi etie ufan-ufan ye nnyin; eyak mmɔ etie ke isɔŋ ndien, enyuŋ enyam urua ke esit; ndien isɔŋ emi, sese, enye okpon ke iso mmɔ; nnyin iyeda nditɔ-iban mmɔ ke idem nnyin idɔ, iyenyuŋ inɔ mmɔ nditɔ-iban

²²nnyin. Edi ntem ke mmɔ edinyime enɔ nnyin ndiduŋ ye nnyin, ndidi oruk kiet, kpukpru eke nnyin iren ema ena mbobi,

²³nte emi mmɔ enade mbobi. Nte ufene mmɔ ye inyene mmɔ, ye unam mmɔ kpukpru idige eke nnyin? Eyak nnyin inyime inɔ mmɔ, ndien mmɔ eyetie ye nnyin.

²⁴Ndien kpukpru mmɔ eke ewɔŋɔde inua-otop obio ekop uyo Hamor ye eke Shechem eyen esie; ndien kpukpru iren ena mbobi, kpukpru mmɔ eke ewɔŋɔde ke inua-otop obio esie.

²⁵Edikem, ke ɔyɔhɔ usen ita, ke mmɔ ekopde ubiak, ndien nditɔ-iren Jacob iba, Simeon ye Levi, nditɔ eka Dinah, eda ofut mmɔ, edi ke obio uko-uko, ediwot kpukpru iren owo.

²⁶Mmɔ enyuŋ ewot Hamor ye Shechem eyen esie ke iso ofut, enyuŋ esio Dinah ke ufɔk Shechem, ndien ewɔŋɔ.

²⁷Nditɔ Jacob edi ke ɔtɔ mme akpa mkpa, edibume kpukpru ŋkpɔ obio, koro ema ekebiat eyen-ete

²⁸mmɔ aŋwan. Eda erɔŋ mmɔ, ye enaŋ mmɔ, ye ass mmɔ, ye se idude ke obio, ye se idude ke iŋwaŋ.

²⁹Mmɔ enyuŋ etaŋ kpukpru inyene mmɔ, ye kpukpru nditɔwɔŋ mmɔ, ye iban mmɔ, enyɔŋɔ, enyuŋ ebume kpukpru se idude ke ufɔk ŋko.

³⁰Ndien Jacob ɔdɔhɔ Simeon ye Levi, ete, Mbufo emesin mi ke afanikɔŋ ke erinam mi ŋwaha ke otu mme andiduŋ isɔŋ emi mme Canaanite ye mme Perizzite: ndien ami ŋwakke owo, mmɔ eyenyuŋ esop idem etiene mi, enyuŋ ewot mi; ami nnyuŋ ntak

³¹ye ufɔk mi. Ndien mmɔ edɔhɔ, ete, Nte enye akpanam ye eyen-ete nnyin nte enamde ye ŋwan use?