Read efik GENESIS 35 Bible Online

GENESIS 35 - efik bible

GENESIS 35

¹NDIEN Abasi ɔdɔhɔ Jacob, ete, Daha ke enyɔŋ dɔk ke Beth-el, nyuŋ tie do: nyuŋ nam itie-uwa do nɔ Abasi, emi okowutde fi idem ke ini afo ekefehede ɔbɔhɔ Esau eyen-uka.

²Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

³Ndien eyak nnyin idaŋa ke enyɔŋ, idɔk ika ke Beth-el; ndien nyenam itie-uwa do nnɔ Abasi emi ɔkɔbɔrɔde mi ke usen nnan-enyin mi, okonyuŋ odude ye ami ke usuŋ emi ami nsaŋade.

⁴Ndien mmɔ emen kpukpru isen abasi emi edude mmɔ ke ubɔk, ye kpukpru mkpanuen emi esinede mmɔ ke utɔŋ enɔ Jacob; ndien Jacob ada mmɔ obuk ke idak ofriyo emi ekperede Shechem.

⁵Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

⁶Ekem, Jacob edi ke Luz, emi odude ke isɔŋ Canaan, oro edi Beth-el, ye kpukpru owo emi

⁷edude ye enye ŋko. Ndien enye anam itie-uwa do, onyuŋ osio ebiet oro enyiŋ El-beth-el: koro do ke Abasi okowut enye idem ke ini enye ekefehede ɔbɔhɔ eyen-eka esie.

⁸Ndien Deborah edep Rebekah edikpa, ndien ebuk enye ke idak ofriyo ke usuhɔre Beth-el; ndien esio enye enyiŋ Allon-bacuth (ofriyo mmɔŋeyet).

⁹Ndien Abasi ɔtɔŋɔ ntak owut Jacob idem, ke ini enye otode ke Paddan-aram edi, onyuŋ ɔdiɔŋ

¹⁰enye. Ndien Abasi ɔdɔhɔ enye, ete, Enyiŋ fo edi Jacob: enyiŋ fo idikereke aba Jacob, edi Israel edi enyiŋ fo: ndien enye osio

¹¹enye enyiŋ Israel. Ndien Abasi ɔdɔhɔ enye, ete, Ami ndi El Shaddai: ŋwum mfri nyuŋ tɔt; idut kiet ye udim idut eyeto fi ke idem, ndidem eyenyuŋ eto fi ke

¹²isin; ndien isɔŋ emi ŋkɔnɔde Abraham ye Isaac, oro ke ndinɔ fi, nyenyuŋ nda isɔŋ oro nnɔ

¹³ubon fo eke editienede fi. Ndien Abasi ɔdɔk ɔkpɔŋ enye ke ebiet emi ɔkɔdɔhɔde ye enye.

¹⁴Ndien Jacob owuk adaha ke ebiet oro Enye ɔkɔdɔhɔde ye enye, adaha itiat: onyuŋ ɔtɔhɔ enye uwa ediŋwɔŋ ŋkpɔ ke enyɔŋ, onyuŋ ɔtɔhɔ enye aran ke enyɔŋ.

¹⁵Ndien Jacob ada enyiŋ Beth-el osio ebiet oro Abasi ɔkɔdɔhɔde ye enye do.

¹⁶Ekem, mmɔ edaha ke Beth-el; ndien ayak esisit okposim ke Ephrath: ndien uman otuk Rachel, onyuŋ ɔsɔŋ abiak enye ke uman.

¹⁷Edikem ke ini uman abiakde enye ɔkpɔsɔŋ, ndien andimum uman ɔdɔhɔ enye, ete, Kufehe; koro emi nde edide

¹⁸eyen-eren fo. Edikem ke ini ukpɔŋ oyomde enye ndibɔhɔ (koro enye akpade), ndien enye osio eyen enyiŋ Ben-oni; edi ete esie osio enye enyiŋ Benjamin.

¹⁹Ndien Rachel akpa, ndien ebuk enye ke usuŋ Ephrath, enye edi

²⁰Bethlehem. Ndien Jacob owuk adaha ke udi esie: enye edi adaha udi Rachel tutu osim mfin emi.

²¹Ndien Israel adaha aka okowuk tent esie ke edem Migdal-Eder

²²oko. Edikem, ke ini Israel adaŋde ke isɔŋ oro, Reuben aka okokot Bilhah ŋwan esa ete esie: Israel onyuŋ okop.

²³Nditɔ-iren Jacob enyuŋ edi duopeba. Nditɔ-iren Leah; Reuben, akpan Jacob, ye Simeon, ye Levi, ye Judah, ye Issachar,

²⁴ye Zebulum. Nditɔ-iren Rachel;

²⁵Joseph ye Benjamin: nditɔ-iren Bilhah, ofin-aŋwan Rachel; enyuŋ

²⁶edi Dan, ye Naphtali. Nditɔ-iren Zilpah, ofin-aŋwan Leah, enyuŋ edi Gad, ye Asher. Mme mmɔ emi edi nditɔ-iren Jacob emi emanade enɔ enye ke Paddan-aram.

²⁷Ekem, Jacob edisim Isaac ete esie ke Mamre, Kiriath-arba, emi edide Hebron, emi Abraham

²⁸ye Isaac eketiede do. Ndien usen Isaac edi isua ikie ye anaŋ. Ndien

²⁹ibifik Isaac onime, enye onyuŋ akpa, okobono ye oruk esie, akani, onyuŋ ɔyuhɔ; nditɔ esie Esau ye Jacob enyuŋ ebuk enye.