Read efik GENESIS 50 Bible Online

GENESIS 50 - efik bible

GENESIS 50

¹NDIEN Joseph ɔduɔ ofuk ete esie iso, onyuŋ atua enye ke idem, onyuŋ otim enye inua.

²Ndien Joseph ɔdɔhɔ ikɔt esie mbia-ibɔk, ete, Embalm ete imɔ: ndien mbia-ibɔk embalm Israel.

³Ekem, mmɔ eyɔhɔ usen aba enɔ enye: koro ntem ke eyɔhɔ usen eribalm; nditɔ Egypt enyuŋ etua enye ke usen ata ye duop.

⁴Edikem ke ini emi etuade enye ama ekebe, Joseph ɔdɔhɔ ufɔk Pharaoh, ete, Edieke mbufo emade mi, mbɔk, edɔhɔ ke utɔŋ

⁵Pharaoh, ete, Ete mi anam mi ŋŋwɔŋɔ, ete, Sese, ami mmɔŋ ŋkpa: ke udi mi oro ŋketibide nnɔ idem mi ke isɔŋ Canaan, ke afo edibuk mi do. Mmɔdo, mbɔk, yak ndɔk ŋkɔbuk ete mi, ndien

⁶nyefiak ndi. Ndien Pharaoh ɔdɔhɔ, ete, Dɔk, ka kobuk usɔ, nte enye akanamde fi ɔŋwɔŋɔ.

⁷Ndien Joseph ɔdɔk aka ndibuk ete esie: kpukpru ikɔt Pharaoh, mme ebio-owo ufɔk esie, ye kpukpru mme ebio-owo isɔŋ Egypt,

⁸enyuŋ etiene enye edɔk, ye ofuri ufɔk Joseph, ye nditɔ-ete esie, ye ufɔk ete esie: edi mmɔ ekpɔŋ nsek nditɔ mmɔ, ye erɔŋ mmɔ, ye enaŋ mmɔ, ke isɔŋ Goshen.

⁹Chariot ye horse enyuŋ esaŋa ye enye edɔk: udim oro onyuŋ

¹⁰okpon eti-eti. Ndien mmɔ edi ke Atad ke ɔtɔ ubek-ibokpot, emi odude ke edem Jordan oko, ndien mmɔ etua do akamba ɔkpɔsɔŋ eyet eti-eti: ndien Joseph atua

¹¹ete esie ke usen itiaba. Ndien ke ini nditɔ Canaan, mme andiduŋ isɔŋ oro, ekutde nte etuade ke Atad, ke ɔtɔ ubek-ibokpot, mmɔ edɔhɔ, ete, Emi edi ɔkpɔsɔŋ eyet nditɔ Egypt; Mmɔdo esiode enye enyiŋ Abel-mizraim, emi odude

¹²ke edem Jordan oko. Ntem ke nditɔ esie enam enɔ enye, kpa nte

¹³enye ɔkɔdɔhɔde mmɔ: ndien nditɔ esie emen enye eka ke isɔŋ Canaan, ekebuk enye ke aba ke iŋwaŋ Machpelah, emi Abraham ekedepde ye iŋwaŋ oro, ye Ephron eyen Heth, ke iso Mamre, man enyene udi.

¹⁴Ekem, Joseph afiak ɔnyɔŋ ke Egypt, enye, ye nditɔ-ete esie, ye kpukpru owo oro ekesaŋade ye enye edɔk ndibuk ete esie, ke ini enye ama okobuk ete esie ama.

¹⁵Ekem, ke nditɔ-ete Joseph ekutde ete ke ete mmimɔ ama akpa, mmɔ edɔhɔ ete, Ndusuk Joseph eyesua nnyin, idinyuŋ itreke ndinam nnyin usiene kpukpru idiɔk-ŋkpɔ oro nnyin ikanamde enye.

¹⁶Ndien mmɔ edɔŋ ekedɔhɔ Joseph ete, Usɔ, ke mikaikpaha kaŋa, ɔdɔhɔ ete,

¹⁷Ntem ke mbufo edidɔhɔ Joseph, ete, Mbɔk, kam dahado ke idiɔk-ŋkpɔ nditɔ-usɔ, ye ukwaŋ-ŋkpɔ mmɔ: koro mmɔ ekediɔkde ye afo: mbɔk, kam dahado ke idiɔk-ŋkpɔ ikɔt Abasi usɔ. Ndien Joseph atua eyet ke ini mmɔ edɔhɔde ye enye.

¹⁸Nditɔ-ete esie enyuŋ eka ekeduɔŋɔ enye ke iso: enyuŋ edɔhɔ ete,

¹⁹Sese, nnyin idi ikɔt fo. Ndien Joseph ɔdɔhɔ mmɔ, ete, Mbufo ekufehe ndik: nte ami ntie ke itie Abasi?

²⁰Ndien mbufo ekekere ndinam mi idiɔk: edi Abasi ekekere ndifɔn, kpaŋ akpanam nte edide mfin emi, ete inim ediwak

²¹owo uwem. Mmɔdo mbufo ekufehe ndik: ami nyebɔk mbufo ye nsek-nditɔ mbufo. Enye onyuŋ ɔdɔŋ mmɔ esit, onyuŋ ɔdɔhɔ mfɔn-mfɔn ye mmɔ.

²²Ndien Joseph oduŋ ke Egypt, enye ye ufɔk ete esie: Joseph onyuŋ odu uwem isua ikie ye

²³duop. Joseph onyuŋ okut nditɔ Ephraim eke emana ita; nditɔ Machir eyen Manasseh, enyuŋ emana (enyuŋ edoro) Joseph ke edɔŋ.

²⁴Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

²⁵Ndien Joseph anam nditɔ Israel eŋwɔŋɔ, ete, Abasi eyedi ndise mbufo, ndien mbufo eyemen ɔkpɔ mi ke ebiet emi efep.

²⁶Edikem Joseph akpa, osim isua ikie ye duop: ndien mmɔ embalm enye, enyuŋ esin ke ekebe ke Egypt.