Read efik 1 CHRONICLES 11 Bible Online

1 CHRONICLES 11 - efik bible

1 CHRONICLES 11

¹EKEM ofuri Israel ebono ke ɔtɔ David ke Hebron, ete, Sese, nnyin idi ɔkpɔ fo ye obuk fo.

²Ŋko-ŋko ke ini oko ekebede, kpa ke ini Saul ekedide edidem, edi afo akada Israel ɔwɔrɔ, onyuŋ ada oduk; Jehovah abasi fo okonyuŋ ɔdɔhɔ fi, ete, Afo edibɔk ikɔt mi Israel, afo edinyuŋ edi andikara ikɔt mi Israel.

³Ekem kpukpru mbiowo Israel eka ke ebiet edidem ke Hebron; ndien David anam ediomi ye mmɔ ke Hebron ke iso Jehovah, ndien mmɔ eyet David aran enim ke edidem Israel, ekem ke uyo Jehovah, ke inua Samuel.

⁴Ekem David ye ofuri Israel eka ke Jerusalem, enye edi Jebus; ndien mme Jebusite, mme andiduŋ isɔŋ, edu do.

⁵Ndien mme andiduŋ Jebus edɔhɔ David, ete, Afo udukemeke ndiduk mi. Edi David ada ɔkpɔsɔŋ ebiet Zion, emi edide obio David.

⁶Ndien David ɔdɔhɔ ete, Owo ekededi eke ebemde iso asuan mme Jebusite, eyedi etubom ye ɔbɔŋ. Ndien Joab eyen Zeruiah ebem iso ɔdɔk, ndien enye akabare edi etubom.

⁷Ndien David oduŋ ke ɔkpɔsɔŋ ebiet oro; mmɔdo esiode enye enyiŋ obio David.

⁸Enye onyuŋ ɔbɔp obio oro, ɔtɔŋɔde ke Millo akan okuk: Joab onyuŋ ɔdiɔŋ ubak obio emi ɔsuhɔde.

⁹Ntem ke David ɔdɔdiɔŋ okpon aka iso: koro Jehovah mme udim odude ye enye.

¹⁰Ndien mme mmɔ emi edi mme etubom mbon uko oro David ekenyenede, emi esɔŋɔde eda ye enye ke ubɔŋ esie, ye ofuri Israel, enyuŋ enimde enye ke edidem, ekem ke uyo Jehovah oro abaŋade Israel.

¹¹Mme mmɔ emi ŋko edi ibat mbon uko oro David enyenede, Jashobeam, Hachmonite kiet, etubom mme ndidaha; enye ekemen eduat esie asuan owo ikie ita, owot mmɔ ɔtɔ kiet.

¹²Ndien Eleazar eyen Dodo, Ahohite, edi udiana esie; enye odu ke otu owo uko ita oro.

¹³Enye odu ye David ke Pasdammim, mme Philistine ekenyuŋ ebono do ndiŋwana ekɔŋ, iŋwaŋ emi barley ɔyɔhɔde ke esit onyuŋ odu do: ndien kpukpru owo efeŋe ke iso mme Philistine.

¹⁴Ndien mmɔ etuak eda ke ufɔt iŋwaŋ oro, enyuŋ enyaŋa enye, enyuŋ ewot mme Philistine; ntem ke Jehovah anyaŋa mmɔ akamba erinyaŋa.

¹⁵Ekem owo ita ke otu mme ndidaha edip ye duop oro esuhɔre ke akwa itiat etiene David ke aba itiat Adullam: ndien udim mme Philistine ena ke itihere mme Rephaim.

¹⁶David onyuŋ odu ke ɔkpɔsɔŋ ebiet, ke ini oro, udim ukpeme mme Philistine enyuŋ edu ke Beth-lehem ke ini oro.

¹⁷Ekem itɔŋ asat David, ndien enye ɔdɔhɔ, ete, Owo akpakam okoi mmɔŋ ke obube Beth-lehem, emi odude ke inua-otop, ɔsɔk mi ŋŋwɔŋ!

¹⁸Ndien mbita oro esiak usuŋ ke ufɔt mme Philistine, ekekoi mmɔŋ ke obube Beth-lehem, emi odude ke inua-otop, eda edisɔk David: David inyimeke ndiŋwɔŋ enye, edi aŋwaŋa enye ɔnɔ Jehovah.

¹⁹Ndien enye ɔdɔhɔ ete, Nsa mi O! Abasi akpan mi ndinam ŋkpɔ emi! Nte ndiŋwɔŋ iyip mme mmɔ emi ye uwem mmɔ? Koro mmɔ ekedade uwem mmɔ eda enye edi: mmɔdo enye minyimeke ndiŋwɔŋ enye. Owo uko ita oro ekenam ŋkpɔ emi.

²⁰Ndien edi Abishai eyen-eka Joab edi etubom mbita oro. Enye ekemen eduat esie, akan owo ikie ita, owot, onyuŋ enyene enyiŋ ke otu mbita oro.

²¹Enye enyene ukpono akan iba ke otu mbita oro; onyuŋ edi etubom mmɔ: edi isimke mbita oro.

²²Benaiah eyen Jehoiada, eyen owo uko emi okponde ese, emi okotode ke Kabzeel; enye owot ata mkpɔsɔŋ owo Moab iba: enye onyuŋ ɔsuhɔre aka okowot lion ke esit obube kiet ke ini snow.

²³Enye onyuŋ owot eyen Egypt kiet, ata anyan owo, ibio idomo-okuk ition; ndien eduat, ebiet eto ɔdɔk-ɔfɔŋ, odu eyen Egypt oro ke ubɔk; ndien enye ada eto ɔsuhɔre etiene enye, onyuŋ afabere eyen Egypt oro eduat ke ubɔk, owot enye ke eduat esiemɔ.

²⁴Benaiah eyen Jehoiada akanam ŋkpɔ emi, ndien enyene enyiŋ ke otu mbon uko mbita oro.

²⁵Sese, enye enyene ukpono ke otu edip ye duop oro, edi isimke mbita eken; ndien David onim enye ke etubom mme andikpeme enye.

²⁶Ndien mbon-uko edi Asahel eyen-eka Joab, Elhanan eyen

²⁷Dodo a Beth-lehem, Shammoth

²⁸Harorite, Helez Pelonite, Ira eyen Ikkesh Tekoite, Abiezer

²⁹Anathothite, Sibbecai Hushathite,

³⁰Ilai Ahohite, Maharai Netopha-thite

³¹Heled eyen Baanah Neto-phathite, Ithai eyen Ribai, emi otode ke Gibeah nditɔ Benjamin,

³²Benaiah Pirathonite, Hurai emi otode ke mme ebedeŋ Gaash,

³³Abiel Arbathite, Azmaveth Baharumite, Eliahba Shaalbonite,

³⁴nditɔ Hashem Gizonite, Jonathan

³⁵eyen Shage Hararite, Ahiam eyen Sacar Hararite, Eliphal eyen Ur,

³⁶Hepher Mecherathite, Ahijah

³⁷Pelonite, Hezro Carmelite, Naari

³⁸eyen Ezbai, Joel eyen ete Nathan,

³⁹Mibhar eyen Hagri, Zelek Ammonite, Naharai Berothite, andikama ŋkpɔ-ekɔŋ Joab eyen Zeruiah,

⁴⁰Ira Ithrite, Gareb

⁴¹Ithrite, Uriah Hittite, Zabad

⁴²eyen Ahlai, Adina eyen Shiza Reubenite, etubom mme Reubenite kiet, ye owo edip ye duop

⁴³ediana enye, Hanan eyen Maa-chah,

⁴⁴ye Joshaphat Mithnite, Uzzia Ashterathite, Shama ye Jeiel,

⁴⁵nditɔ Hotham Aroerite, Jediael eyen Shimri, ye Joha eyen ete esie,

⁴⁶Tizite, Eliel Mahavite, ye Jeribai, ye Joshaviah, nditɔ El-naam,

⁴⁷ye Ithmah Moabite, Eliel, ye Obed, ye Jaasiel Mezobaite.