Read efik 1 CHRONICLES 9 Bible Online

1 CHRONICLES 9 - efik bible

1 CHRONICLES 9

¹NTEM ke ebat ofuri Israel esin ke ŋwed emana; ndien, sese, ewet mmɔ esin ke ŋwed ndidem Israel; ndien etaŋ Judah enyɔŋ ke Babylon ebaŋa mme idiɔk ido mmɔ.

²Ndien akpa mme andiduŋ eke eduŋde ke udeme mmɔ ke mme obio mmɔ, edi nditɔ Israel, ye mme oku, ye mme Levite, ye mme Nethinim.

³Ndusuk nditɔ Judah ŋko, ye ndusuk nditɔ Bejamin, ye ndusuk nditɔ Ephraim, ye eke Manasseh, eduŋ ke Jerusalem;

⁴Uthai eyen Ammihud, eyen Omri, eyen Imri, eyen Bani, emi otode ke nditɔ Perez eyen Judah.

⁵Eke mme Shilonite ŋko; Asaiah akpan, ye nditɔ-iren esie.

⁶Eke nditɔ Zerah ŋko; Jeuel, ye nditɔ-ete mmɔ, owo ikie itiokiet ye anaŋ ye duop.

⁷Ndien ŋko eke nditɔ Benjamin: Sallu eyen Meshullam, eyen Hodaviah, eyen Hassenuah;

⁸ye Ibneiah eyen Jeroham, ye Elah eyen Uzzi, eyen Michri, ye Meshullam, eyen Shephatiah, eyen Reuel, eyen Ibnijah;

⁹ye nditɔ-ete mmɔ ke emana mmɔ, owo ikie usukkiet ye aba, ye efurekiet. Kpukpru mme mmɔ emi edi mme etubom mme ete ufɔk mme ete mmɔ.

¹⁰Ndien eke mme oku; Jedaiah, ye Jehoiarib, ye Jachin,

¹¹ye Azariah, eyen Hilkiah, eyen Meshullam, eyen Zadok, eyen Meraioth, eyen Ahitub, etubom ufɔk Abasi;

¹²ye Adaiah eyen Jeroham, eyen Pashhur, eyen Malchijah, ye Maasai eyen Adiel, eyen Jahzerah, eyen Meshullam, eyen Meshillemith, eyen Immer;

¹³ye nditɔ-ete mmɔ, mme etubom ke ufɔk mme ete mmɔ, tɔsin owo ye ikie itiaba ye ata, mbon uko ke erisaŋa utom ufɔk Abasi.

¹⁴Ye eke mme Levite: Shemaiah eyen Hasshub, eyen Azrikam, eyen Hasshabiah emi otode ke nditɔ Merari;

¹⁵ye Bakbakkar, Heresh, ye Galal, ye Mattaniah, eyen Mica eyen Zichri, eyen Asaph; ye Obadiah,

¹⁶eyen Shemaiah, eyen Galal, eyen Jeduthun, ye Berechiah eyen Asa, eyen Elkanah, emi oduŋde ke mme obio iŋwaŋ mme Netophathite.

¹⁷Ndien mme etie-usuŋ edi Shallum, ye Akkub, ye Talmon, ye Ahiman, ye nditɔ-ete mmɔ: Shallum edi etubom;

¹⁸ndien tutu osim mfin emi mmɔ etie ke enyin-usuŋ edidem, ke edem usiaha-utin: mmɔ edi mme etie-usuŋ ke ŋka nditɔ Levi.

¹⁹Ndien Shallum eyen Kore, eyen Ebiasaph, eyen Korah, ye nditɔ-ete esie, ke ufɔk ete esie mme Korahite, edi mme etubom mme asaŋa utom, mme andikpeme enyin-usuŋ efe. Ndien mme ete mmɔ emi edide mme etubom nna Jehovah, edi mme andikpeme ebiet emi edukde.

²⁰Ndien Phinehas eyen Eleazar ekedi etubom mmɔ ke ini oko, Jehovah okonyuŋ odu ye enye.

²¹Ndien Zechariah eyen Meshelemiah edi etie-usuŋ efe esop.

²²Kpukpru mmɔ emi emekde enim ke mme etie-usuŋ ke mme inua-otop, edi ikie iba ye duopeba. Ekebat mme mmɔ emi esin ke ŋwed ye nditɔ mmɔ ke mme obio iŋwaŋ mmɔ; David, ye Samuel, okut-ŋkukut enim mmɔ, koro edide mbon akpanikɔ.

²³Ntem ke mmɔ ye nditɔ mmɔ edi mme etubom inua-otop ufɔk Abasi, kpa ufɔk efe, ke mme ŋka ukpeme.

²⁴Mme etie usuŋ edu ke edem mbinaŋ, ke ufien, ke nasia, ke edere, ye ke usuk.

²⁵Ndien nditɔ ete mmɔ ke obio iŋwaŋ mmɔ, ekenyene nditiene mme mmɔ emi ndi ke usen itiaba ke ini, ke ini.

²⁶Koro mme mmɔ oro, kpa mme etubom mme etie-usuŋ, edide mbon akpanikɔ, mmɔ edi Levite, mmɔ enyuŋ edi mme etubom ubet ye eke ŋkpɔ uto ufɔk Abasi.

²⁷Ndien mmɔ ena ke okoneyo ekan ufɔk Abasi ekuk, koro ukpeme enyenede mmɔ, ndien mmɔ ekenyene ndise eriberere usuŋ kpukpru usenubɔk.

²⁸Ndusuk mmɔ enyuŋ ekama ŋkpɔ unam-utom, koro edade mmɔ ke ibat eduk, enyuŋ edade mmo ke ibat ewɔrɔ.

²⁹Ndien ŋko edori ndusuk mmɔ, ete ese mkpo-duoho, ye kpukpru edisana ŋkpɔ unam-utom, ye edifɔn ndom uyo, ye wine, ye aran ye frankin-cense, ye edifuɔŋ ŋkpɔ.

³⁰Ndusuk nditɔ mme oku ŋko enyuŋ edi mme abuak edifuɔŋ aran.

³¹Ndien Mattithiah Levite kiet, (enye edi akpan Shallum Korahite) koro edide owo akpanikɔ, akama ŋkpɔ eke ekaŋde.

³²Ndien ndusuk nditɔ ete mmɔ, emi etode ke nditɔ Kohathite, edi mme akama uyo eke enimde ke iso Abasi, ete mmɔ enim enye kpukpru sabbath.

³³Ndien mme mmɔ emi edi mme ɔkwɔ ikwɔ, mme etubom mme ete mme Levite, emi minyeneke utom ke ubet; koro mmɔ enyenede ndinam utom ke uwemeyo ye ke okoneyo.

³⁴Mme etubom mme ete mme Levite emi edi mme etubom ke ofuri emana mmɔ, mme mmɔ emi eduŋ ke Jerusalem.

³⁵Ndien Jeiel, ete Gibeon, oduŋ ke Gibeon, enyiŋ ŋwan esie onyuŋ ekere Maacah;

³⁶akpan esie ŋko Abdon; ye Zur, ye Kish, ye Baal, ye Ner, ye Nadab, ye Gedor,

³⁷ye Ahio, ye Zechariah, ye Mikloth.

³⁸Ndien Mikloth obon Shimeam. Ndien mmɔ ŋko, kpa nte nditɔ-ete mmɔ, enyuŋ eduŋ ke Jerusalem ye nditɔ-ete mmɔ.

³⁹Ndien Ner obon Kish; ndien Kish obon Saul; ndien Saul obon Jonathan, ye Malchi-shua, ye Abinadab, ye Eshbal.

⁴⁰Ndien eyen Jonathan edi Merib-baal; ndien Merib-baal obon Micah.

⁴¹Ndien nditɔ-iren Micah edi Pithon, ye Melech, ye Tahrea.

⁴²Ndien Ahaz obon Jarah; ndien Jarah obon Alemeth, ye Azmaveth, ye Zimri; ndien Zimri obon Moza;

⁴³ndien Moza obon Binea; ye Rephaiah eyen esie, ye Eleasah eyen esie, ye Azel eyen esie.

⁴⁴Ndien Azel obon nditɔ itiokiet emi enyiŋ mmɔ ekerede ntem, Azrikam, Bocheru, ye Ishmael, ye Sheariah, ye Obadiah, ye Hanan; mme mmɔ emi edi nditɔ Azel.