Read efik 2 CHRONICLES 1 Bible Online

2 CHRONICLES 1 - efik bible

2 CHRONICLES 1

¹EKEM Solomon eyen David ɔsɔŋ etie ke ubɔŋ esie, Jehovah Abasi esie onyuŋ odu ye enye, onyuŋ anam enye okpon eti-eti.

²Ndien Solomon ɔdɔhɔ ofuri Israel, ye mme etubom mme tɔsin, ye eke mme ikie, ye mme ebierikpe, ye kpukpru mbɔŋ ofuri Israel, kpa mme etubom mme ete.

³Ndien Solomon, ye ofuri esop ŋko, eka ke edikoŋ ebiet oro odude ke Gibeon; koro efe-esop Abasi oro Moses owo Jehovah akanamde ke wilderness, odude do.

⁴Edi David ama ada ekebe Abasi ke Kiriath-jearim ɔdɔk edi ke ebiet oro David ɔkɔdiɔŋde ɔnɔ enye: koro enye okowukde tent ɔnɔ enye ke Jerusalem.

⁵Ndien itie-uwa okpoho oro Bezalel eyen Uri, eyen Hur, akanamde, odu ke iso efe iduŋ Jehovah: ndien Solomon ye ofuri esop etiene enye ekebup.

⁶Solomon onyuŋ awa uwa do ke iso Jehovah ke itie-uwa okpoho, emi enyenede efe-esop: enye onyuŋ awa tɔsin edifɔp uwa ke esit.

⁷Ke okoneyo oro Abasi owut Solomon idem, onyuŋ ɔdɔhɔ enye, ete, Siak se ndinɔde fi.

⁸Ndien Solomon ɔdɔhɔ Abasi, ete, Afo akama David ete mi akamba ima, omonyuŋ onim mi ke edidem ke itie esie.

⁹O Jehovah Abasi, yak ikɔ fo ndien ɔsɔŋ ada ye David ete mi: koro afo omonim mi ke edidem mbio emi ewakde nte ntan-isɔŋ.

¹⁰Kam nɔ mi eti ibuot ye ifiɔk, man ŋwɔrɔ ke iso mbio emi, nnyuŋ nduk: koro anie edikpe akwa ikɔt fo emi?

¹¹Ndien Abasi ɔdɔhɔ Solomon, ete, Koro emi odude fi ke esit, munyuŋ ubeŋeke okuk, ye inyene, ye ubɔŋ, ye uwem mme asua fo, munyuŋ ubeŋeke anyan uwem; edi ebeŋe eti ibuot ye ifiɔk ke idem fo, man afo ekpe ikpe ikɔt mi emi nnimde fi ke edidem mmɔ:

¹²emenɔ fi eti ibuot ye ifiɔk oro: ami nyenyuŋ nnɔ fi okuk, ye inyene, ye ubɔŋ eke akanam ndidem eke ekebemde fi iso minyeneke ntre, baba kiet eke editienede fi edem idinyuŋ inyeneke ntre.

¹³Ekem Solomon oto ke edikoŋ ebiet ke Gibeon, ɔkpɔŋ efe esop, afiak ke Jerusalem, ndien ada ubɔŋ Israel.

¹⁴Ekem Solomon obon chariot ye mbio horse; enye onyuŋ enyene tɔsin chariot ye ikie inaŋ, ye tɔsin mbio horse duopeba; ndien enye onim mmɔ ubak ke mme obio mme chariot, ye ubak ke ɔtɔ edidem ke Jerusalem.

¹⁵Ndien edidem anam silver ye gold etie nte itiat ke Jerusalem, onyuŋ anam cedar awak nte eto sycomore emi edude ke una-isɔŋ edem inyaŋ.

¹⁶Ndien ama edi edida horse ke Egypt nsɔk Solomon, udim mbon-urua edidem ekam ebɔ udim horse ke ekɔm-urua.

¹⁷Mmɔ enyuŋ ebɔ chariot kiet ke shekel silver itiokiet, ye horse kiet ke shekel ikie ye aba ye duop, ke Egypt edɔk edi: ntre ŋko ke eda edisɔk kpukpru mbɔŋ mme Hittite, ye mbɔŋ Syria ke ubɔk mmɔ oro.