Read efik NEHEMIAH 11 Bible Online

NEHEMIAH 11 - efik bible

NEHEMIAH 11

¹NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

²Ndien mbio-obio ekɔm kpukpru owo eke enyimede ndiduŋ ke Jerusalem.

³Mme mmɔ emi ŋko enyuŋ edi mme etubom province, emi eduŋde ke Jerusalem: edi ke obio Judah kpukpru owo eduŋ ke udeme mmɔ ke obio mmɔ, Israel, ye mme oku, ye mme Levite, ye mme Nethinim, ye nditɔ ikɔt Solomon.

⁴Usuk nditɔ Judah ŋko, ye usuk nditɔ Benjamin, enyuŋ eduŋ ke Jerusalem. Nditɔ Judah; Athaiah, eyen Uzziah, eyen Zechariah, eyen Amariah, eyen Shephatiah, eyen Mahalalel, emi otode ke nditɔ Perez:

⁵ye Maaseiah eyen Baruch, eyen Col-hozeh, eyen Hazaiah, eyen Adaiah, eyen Joiarib, eyen Zechariah, eyen Shilonite.

⁶Kpukpru nditɔ Perez eke eduŋde ke Jerusalem, edi mbon uko ikie inaŋ ye ata ye itiaita.

⁷Ndien mme mmɔ emi edi nditɔ Benjamin: sallu eyen Meshullam, eyen Joed, eyen Pedaiah, eyen Kolaiah, eyen Maaseiah eyen Ithiel, eyen Jeshaiah.

⁸Ndien Gabbai, ye Sallai ediana enye, owo ikie usukkiet ye edip ye itiaita.

⁹Ndien Joel eyen Zichri edi etubom mmɔ: ndien Judah eyen Hassenuah edi etubom obio ke udiana itie.

¹⁰Eke mme oku: Jedaiah eyen Joiarib,

¹¹Jachin, Seraiah eyen Hilkiah, eyen Meshullam, eyen Zadok, eyen Meraioth, eyen Ahi-tub, edi etubom ufɔk Abasi.

¹²Ndien nditɔ-ete mmɔ emi enamde utom ufɔk, edi owo ikie itiaita ye edip ye iba: ye Adaiah eyen Jeroham, eyen Pelaliah, eyen Amzi, eyen Zechariah, eyen Pashhur, eyen Malchijah,

¹³ye nditɔ-ete esie, mme etubom mme ete, ikie iba ye aba ye iba: ye Amashsai eyen Azarel, eyen Ahzai, eyen Meshillemoth,

¹⁴eyen Immer, ye nditɔ-ete mmɔ, mbon uko ikie ye edip ye itiaita: ndien Zabdiel eyen akamba owo kiet edi etubom mmɔ.

¹⁵Mme Levite ŋko: Shemaiah eyen Hasshub, eyen Azrikam, eyen Hashabiah, eyen Bunni;

¹⁶ye Shabbethai, ye Jozabad, emi etode ke mme etubom mme Levite, edi mme andise utom ufɔk Abasi eke enamde aŋwa-aŋwa.

¹⁷Ndien Mattaniah eyen Mica, eyen Zabdi, eyen Asaph, edi etubom eke ɔtɔŋɔde ekɔm ke akam; ndien Bahbukiah edi udiana-akpa owo ke otu nditɔ-ete esie, ye Abda eyen Shammua, eyen Galal, eyen Jeduthun.

¹⁸Kpukpru mme Levite ke edisana obio edi owo ikie iba ye anaŋ ye inaŋ.

¹⁹Ndien mme etie-usuŋ, Akkub, ye Talmon, ye nditɔ-ete mmɔ emi ekpemede inua-otop, edi ikie ye ata ye duopeba.

²⁰Ndien Israel efen, ye mme oku, ye mme Levite edu ke kpukpru mme obio Judah, kpukpru owo ke udeme mmɔ.

²¹Ndien mme Nethinim eduŋ ke Ophel: Ziha, ye Gishpa enyuŋ edi mme etubom mme Nethinim.

²²Etubom mme Levite ke Jerusalem edi Uzzi, eyen Bani, eyen Hasha-biah, eyen Mattaniah, eyen Mica. Usuk nditɔ Asaph mme ɔkwɔ-ikwɔ, esaŋa utom ufɔk Abasi.

²³Koro edidem okowukde ewuhɔ abaŋa mmɔ; ekenyuŋ eteme mme ɔkwɔ-ikwɔ se ekpenamde kpukpru usen.

²⁴Ndien Pethahiah eyen Meshezabel, emi otode ke nditɔ Zerah eyen Judah, odu ke ubɔk edidem ke kpukpru ikɔ mbio-obio.

²⁵Ndien ama edi mme obio iŋwaŋ ye inwaŋ mmɔ, usuk nditɔ Judah eduŋ ke Kiriath-arba, ye ke obio iŋwaŋ mmɔ, ye ke Dibon, ye ke obio iŋwaŋ mmɔ, ye ke Jakabzel ye ke obio iŋwaŋ mmɔ,

²⁶ye ke Jeshua, ye ke Moladah, ye ke Beth-pelet,

²⁷ye ke Hazar-shual, ye ke Beer-sheba, ye ke obio inwaŋ mmɔ,

²⁸ye ke Ziklag, ye ke Meconah, ye ke mme obio iŋwaŋ mmɔ,

²⁹ye ke En-rimmon, ye ke Zorah, ye ke Jarmuth,

³⁰Zanoah, Adullam, ye ke mme obio iŋwaŋ mmɔ, Lachish, ye iŋwaŋ mmɔ, Azekah, ye mme obio iŋwaŋ mmɔ. Ntre ke mmɔ eduŋ ɔtɔŋɔde ke Beer-sheba tutu osim ke itihere Hinnom.

³¹Ndien nditɔ Benjamin eduŋ ke Geba, ye Michmash, ye Aija, ye Bethel, ye mme obio iŋwaŋ mmɔ;

³²ke Anathoth, ye ke Nob,

³³Ananiah, Hazor, Ramah, Gittaim,

³⁴Hadid, Zeboim, Neballat,

³⁵Lod, ye Ono, itihere mbon-usɔ.

³⁶Ndien ndusuk mme Levite, mme ŋka Judah, enyene Benjamin.