Read efik NEHEMIAH 5 Bible Online

NEHEMIAH 5 - efik bible

NEHEMIAH 5

¹EDIKEM kprukpru owo ye iban mmɔ enam akamba eseme ebaŋa nditɔ-ete mmɔ mme Jew.

²Ndien ndusuk edu do emi edɔhɔde ete, Nnyin, ye nditɔ-iren nnyin, ye nditɔ-iban nnyin, iwak: yak nnyin ikut ndien ibokpot, idia idu uwem.

³Ndusuk ŋko edu do emi edɔhɔde, ete, Nnyin imada iŋwaŋ nnyin, ye iŋwaŋ vine nnyin, ye ufɔk nnyin, inim ubiɔŋ, man ikut ibokpot ke akaŋ.

⁴Ndusuk enyuŋ edu do emi edɔ-hɔde ete, Nnyin ibɔbuɔt okuk utomo edidem ida iŋwaŋ nnyin ye iŋwaŋ-vine nnyin inim ubiɔŋ.

⁵Ndien ke emi obukidem nnyin ebiet obukidem nditɔ-ete nnyin, nditɔ nnyin enyuŋ etie nte nditɔ mmɔ: ndien sese, nnyin imɔsukhɔre nditɔ-iren nnyin ye nditɔ-iban nnyin inim ke ifin, ema enyuŋ esuhɔre ndusuk nditɔ-iban nnyin; ndien ubɔk nnyin inyeneke odudu; iŋwaŋ nnyin ye iŋwaŋ-vine nnyin enyuŋ enyene owo efen.

⁶Ndien esit ayat mi eti-eti ke adaŋemi ŋkopde mfiori mmɔ ye uyo emi.

⁷Ndien ntie ŋkere ke esit mi, ndien ntɔhɔ ye mbɔŋ, ye mme ebierikpe, nnyuŋ ndɔhɔ mmɔ, nte, Kpukpru mbufo emedia nditɔ-ete mbufo udori. Ndien nda akamba otu owo ntiene mmɔ.

⁸Nnyuŋ ndɔhɔ mmɔ, nte, Nnyin ima ida ukeme nnyin ifak nditɔ-ete nnyin mme Jew, emi ekenyamde enɔ mme idut; nte mbufo emɔŋ edinyam ndien nditɔ-ete mbufo? Nte edinyuŋ enyama enɔ nnyin?

⁹Ndien mmɔ edop uyo, inyuŋ inyeneke ibɔrɔ. Ndien ndɔhɔ nte, Ŋkpɔ emi mbufo enamde ifɔnke: nte mbufo ikpasaŋake ke uteŋe Abasi nnyin, ibak nsahi mme idut mme asua nnyin?

¹⁰Ami ŋko, ye nditɔ-ete mi, ye ikɔt mi, inɔ mmɔ silver ye ibokpot ke ebuɔt: mbɔk, yak nnyin ikpɔŋ udori emi.

¹¹Mbɔk, mbufo eyak iŋwaŋ mmɔ ye iŋwaŋ-vine mmɔ, ye iŋwaŋ-olive mmɔ, ye ufɔk mmɔ enɔ mmɔ mfin emi, enyuŋ eyak ɔyɔhɔ ubak silver ikie, ye eke ibokpot, ye eke wine, ye eke aran, emi mbufo ebɔde mmɔ.

¹²Ndien mmɔ edɔhɔ, ete, Nnyin iyeyak, idinyuŋ iyomke mmɔ ŋkpɔ ke ubɔk: nnyin iyenam kpa nte emi afo ɔdɔhɔde. Ndien ami ŋkokot mme oku, nnyuŋ nnam mmɔ eŋwɔŋɔ, ete inam ke ikɔ emi.

¹³Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

¹⁴Ndien ŋko toto ke usen oro enye (edidem) okonimde mi ke andikara mmɔ ke isɔŋ Judah, toto ke ɔyɔhɔ isua edip tutu osim ɔyɔhɔ isua Artaxerxes edidem edip ye duopeba, ofuri isua duopeba, ami ye nditɔ-ete mi idiaha udia andikara.

¹⁵Edi ama edi mbemiso mme andikara oro ekebemde mi iso, mmɔ eketuk mbio-obio, enyuŋ ebɔ mmɔ uyo ye wine, ekɔrɔ ye shekel silver aba. Ikɔt mmɔ ŋko enyuŋ ekara mbio-obio.

¹⁶Edi uteŋe Abasi iyakke ami nnam ntem. Ndien ŋko ami nsin ifik ke utom ibibene emi: nnyin inyuŋ idepke iŋwaŋ: kpukpru ikɔt mi ŋko esop idem do ke utom.

¹⁷Ndien mme Jew, ye mme ebiere-ikpe, owo ikie ye aba ye duop, ye mmɔ emi etode ke mme idut eke ekande nnyin ekuk, etiene nnyin, etie ke okpokoro mi.

¹⁸Ndien se mmɔ enamde ke usen kiet edi enaŋ kiet, ye ŋkpri ufene eke ekesatde itiokiet; enyuŋ etim unen enɔ mi, ye kpukpru oruk wine ediwak ke usen duop, ke usen duop: edi emi isinke mi nyom udia andikara, koro utom emi odobide mbio-obio emi.

¹⁹O Abasi mi, ke mfɔn ti mi ke kpukpru se ŋkanamde ye mbio emi.