Read efik ŊWED JOB 17 Bible Online

ŊWED JOB 17 - efik bible

ŊWED JOB 17

¹IBIFIK mi amabiara, usen mi emenime; mme udi

²enyuŋ ena enɔ mi. Ŋkɔm nsahi odu ye ami? Enyin mi onyuŋ

³osuk odu ke ukɔbɔ mmɔ. Nim ndien ŋkpɔ: nim ubiɔŋ nɔ mi ye

⁴afo Anie owo (efen) edimia ubɔk ye ami? Koro afo odipde esit mmɔ ɔniɔŋ: mmɔdo afo mudumenekede mmɔ ke enyɔŋ.

⁵Owo ayak mme ufan esie ɔnɔ ŋwo; ndien enyin eyekim nditɔ esie.

⁶Enye ɔkɔnyuŋ onim mi ke ufiet ererimbot; nnyuŋ ŋkabare ndi se ekɔkde etap eduɔk ke iso.

⁷Enyin onyuŋ okim mi ke mfuhɔ: kpukpru mbak idem mi enyuŋ eka-bare ebiet mfut.

⁸Ŋkpɔ emi eye-nyene ndinen owo ndyɔ, ndien owo eke miduehe eyemen idem aŋwana ye oburobut owo.

⁹Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

¹⁰Edi ama edi mbufo kpukpru, mbɔk, mbufo efiak edi, ndien ndikwe baba eti-ibuot owo kiet ke otu mbufo.

¹¹Mme usen mi emebe, mme ekikere mi kpa se esit mi amade

¹²ndinyene, emekibi efep. Mmɔ enim okoneyo ke uwemeyo; uŋwana emekpere ekim.

¹³Mma mbet udi nte ufɔk mi; mma mbri bed mi ke ekim:

¹⁴Mma ŋkot obube, nte, Afo edi ete mi, nte ndɔŋ, Afo edi eka mi, ye eyen-eka mi aŋwan;

¹⁵Enye ndien idorienyin mi? Ama edi idorenyin mi, anie owo edikut enye?

¹⁶Enye eyesuhɔre aka eto usin-usuŋ udi, nduɔk-odudu nnyin odu ɔtɔ kiet ke ntan.